جاڭالىقتار

جيىرما بەس يگىلىكتى ءىس

ەل تاۋەلسىزدىگىنىڭ 25 جىلدىعىنا وراي الماتى اۋدانى اكىمىنىڭ اپپاراتى مەن ارداگەرلەر كەڭەسىنىڭ ۇيىمداستىرۋىمەن №48 مەكتەپ-ليتسەيىندە «ۇرپاق تاربيەسى – ۇلت بولاشاعى» تاقىرىبىندا تاعلىمدى كەش ءوتتى.

25 جىلدىك

جاس ۇرپاق تاربيەسى – ادامزاتتىڭ ماڭگىلىك تاقىرىبى. ۇلتتىڭ بۇگىنى دە, بولاشاعى دا قانداي ۇرپاق وسىرۋىمىزگە بايلانىستى ەكەنى بەلگىلى. بۇل رەتتە اتالمىش مەكتەپ مۇعالىمدەرىنىڭ ۇلەسى وراسان زور. وقۋشىلاردىڭ بويىنا ىزگىلىك, يناباتتىلىق, مەيى­رىمدىلىك, قايىرىمدىلىق سەكىلدى ادامي قۇندىلىقتاردى دامىتا وتىرىپ, تىرشىلىككە قاجەتتى داعدىلارىن قالىپتاستىرىپ كەلە جاتقان ۇستازدار تال بەسىكتەن باستالعان تاربيەنى ۇلتتىق ناقىشتا جالعاستىرۋدا.
بۇل جولى اعا بۋىن وكىلدەرى دە قاراپ قالعان جوق. ۇزاق جىلدار بويى ۇستازدىق قىزمەت ەتكەن, وقۋ ءىسىنىڭ ۇزدىگى بالكەن قاسەنوۆا, ءباسپاسوز سالاسىنىڭ مايتالمانى سايراش ابىشقىزى, بەلگىلى تەلەجۋرناليست روزا ءجۇنىسوۆا, ۇلتىمىز­دىڭ ۇمىتىلىپ بارا جاتقان ءداستۇرلى قولونەر بۇيىمدارىن ناسيحاتتاپ جۇرگەن اياۋلى انا سافۋرا سەيتماعامبەتوۆا ورتاعا شىعىپ, ءوز ونەرلەرىن كورسەتۋمەن بىرگە وقۋشىلارعا عاسىردان-عاسىرعا جالعاسىپ كەلە جاتقان جاقسى داستۇرلە­رىمىزدى ناسيحاتتاسا, ونەرلى ارداگەرلەردەن قۇرالعان «ارمانداستار», «ءسانيا» شاعىن ورتالىقتارىنىڭ مۇشەلەرى دە بىلگەندەرىمەن ءبولىستى.
كەش سوڭىندا اتالمىش مەكتەپتىڭ وقۋشىلارى ءان مەن جىردان شاشۋ شاشىپ, اعا بۋىن وكىلدەرى الدىندا ءوز ونەرلەرىن پاش ەتتى.


گۇلبارشىن وكەشقىزى

تاعىدا

ۇقساس جاڭالىقتار

پىكىر ۇستەۋ

Back to top button