وقۋ جىلىنىڭ اياقتالۋىنا بايلانىستى رەسپۋبليكالىق «نازار اۋدار, جاياۋ جۇرگىنشى!» ءىس-شاراسى اياسىندا استانا قالاسى ىشكى ىستەر دەپارتامەنتىنىڭ اكىمشىلىك پوليتسياسى قىزمەتكەرلەرى ەلوردالىق وقۋشىلاردىڭ جول ءجۇرۋ ەرەجەلەرىنە بايلانىستى جىل بويعى العان بىلىمدەرىن تەكسەرۋ ءۇشىن قوسىمشا ساباقتار وتكىزدى.
قالالىق اكىمشىلىك پوليتسياسىنىڭ اعا ينسپەكتورى لاريسا كراسنيكوۆانىڭ ايتۋىنشا, بالالاردىڭ جول ۇستىندەگى قاۋىپسىزدىگى قازىرگى كەزدە وزەكتتى ماسەلەلەردىڭ بىرىنە اينالىپ وتىر. جىل باسىنان بەرى ەلوردادا بالالاردىڭ قاتىسۋىمەن 30 جول-كولىك وقيعاسى تىركەلسە, 11 رەت بالالار جولدى بەلگىلەنبەگەن جەرلەردەن جۇگىرىپ ءوتىپ, اپاتتى جاعدايعا تاپ بولعان.
وقۋ جىلى سوڭىندا قالانىڭ بارلىق جالپى ءبىلىم بەرۋ مەكەمەلەرىندە پوليتسيا قىزمەتكەرلەرى قاۋىپسىزدىك ەرەجەلەرى بويىنشا دارىستەر وقىپ, وقۋشىلارمەن پروفيلاكتيكالىق سۇحباتتار جۇرگىزدى.
وسىنداي تانىمدىق ساباقتاردىڭ ءبىرى استانا قالاسىنىڭ №3 ورتا مەكتەبىندە ءوتتى. پوليتسيا قىزمەتكەرلەرى وقۋشىلارعا جول ءجۇرۋ ەرەجەلەرى مەن ونى ساقتاماۋدىڭ سالدارى قانداي بولاتىنىن تاعى دا ەسكە سالا وتىرىپ, ءتۇرلى ۆيكتورينالىق ويىندار ۇيىمداستىردى. ساباق اياقتالۋىمەن بالالارعا قاجەتتى اقپاراتتارى بار بۋكلەتتەر مەن جارىققا شاعىلىساتىن بەلدىكتەر تابىستالدى.
«اپاتتاردان اۋلاق بولۋ ءۇشىن بالالارعا جول ءجۇرۋ ەرەجەلەرىن ءاردايىم مەكتەپتە دە, ۇيدە دە, ءتىپتى, كۇندەلىكتى سەرۋەندەۋ كەزىندە دە ەسكە سالىپ تۇرعان ءجون» دەپ كەڭەس بەرەدى ل. كراسنيكوۆا.
ەركەجان جۇماجان,
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى
جۋرناليستيكا فاكۋلتەتىنىڭ
ءى كۋرس ستۋدەنتى
