جۇيتكيدى جۇردەك كولىك كوشەمىزدە
ەلىمىزدىڭ باس قالاسىندا ارنايى سالىنعان جولدارمەن جۇرەتىن جۇردەك اۆتوبۋستار جۇيەسى (برت) جوباسى بويىنشا قۇرىلىس جۇمىستارى باستالدى. جوبا قولدانىسقا بەرىلگەن كەزدە قالا تۇرعىندارىنا قوعامدىق كولىكتە ءجۇرۋ ىڭعايلى, ءارى جول قوزعالىسىن ۇيىمداستىرۋ ساپاسى ارتا تۇسپەك.
قالا اكىمى اپپاراتى ءباسپاسوز قىزمەتىنىڭ مالىمەتىنشە, برت دەگەنىمىز – ارنايى سالىنعان جولدارمەن جۇرەتىن جۇردەك اۆتوبۋستار جۇيەسى. برت اۋەجايدى, «ەكسپو» قالاشىعىن, ءابۋ دابي پلازانى جانە جاڭا تەمىرجول ۆوكزالىن قوساتىن بولادى.
جاڭا جۇيە بەتون جابىندى ارناۋلى تراسسادان, تىرشىلىكتى قامتاماسىز ەتۋ كەشەندەرىمەن جابدىقتالعان جابىق ستانسالاردان, قاۋىپسىزدىك جۇيەلەرىنەن, جولاقىسىن ەلەكتروندى تولەۋ قۇرىلعىلارىنان, ەسكالاتورلار مەن ليفتىلەردەن, سونداي-اق دەپو مەن جىلجىمالى قۇرامنان تۇرادى.
نەگىزگى جولدان بولەك سالىناتىن برت اۆتوبۋستارى جۇرەتىن ارناۋلى جولدار جابىق جولاۋشىلار ستانسالارىمەن جانە جەراستى وتكەلدەرىمەن جابدىقتالادى. ناقتىلانعان قوزعالىس ۋاقىتى ارالىعىندا باعىت ەرەكشەلىگىنە سايكەس جولاۋشىلار سىيىمدىلىعى اسا ۇلكەن اۆتوبۋستار جۇرەتىن بولادى. جولاقىسىن تولەۋ جانە تەكسەرۋ مەتروداعى تولەم جۇيەسىنە سايكەس جۇزەگە اسىرىلادى.
ساعي ورال