الەۋمەت

جۇمىس بەرۋ – ۇلكەن كومەك

جۇرتشىلىققا جۇمىس تاۋىپ بەرۋ جاعىنان ەلوردا الدا تۇر. «ەكى قولعا ءبىر كۇرەك» ىزدەپ, جۇمىسپەن قامتۋ ورتالىعىنا جۇگىنگەندەردىڭ 77 پايىزى جۇمىسپەن قامتىلعان.

?؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بيىلعى جارتى جىلدىقتى قورىتىندىلاعان جۇمىسپەن قامتۋ, ەڭبەك جانە الەۋمەتتىك قورعاۋ باسقارماسى وسىنداي قورىتىندىعا كەلىپ وتىر. وسى جىلدىڭ باسىنان بەرى جۇمىسپەن قامتۋ ورتالىعىنا 6 990 ادام كەلگەن. ولاردىڭ 3 710-ى جۇمىسقا ورنالاستىرىلعان. ناقتىلاپ ايتقاندا, 101 ادام قوعامدىق جۇمىس ورىندارىنا, 284 ادام جاستار پراكتيكاسىنا جىبەرىلگەن. جالپى قوعامدىق جۇمىستارعا تارتىلعاندار سانى – 1079.

ال بۇگىندە 540 ادام كاسىپتىك دايارلاۋ مەن قايتا دايارلاۋ جانە بىلىكتىلىكتى ارتتىرۋ كۋرستارىن وقىپ جاتىر.

ەلىمىزدە ەڭبەك جانە حالىقتى جۇمىسپەن قامتۋ سالاسىندا بىرەگەي مەملەكەتتىك ساياسات پەن مەملەكەتتىك باعدارلامانى ىسكە اسىراتىن مەملەكەتتىك ورگاننىڭ قۇرىلۋىنا بيىل 5 جىل تولدى. قازاقستان رەسپۋبليكاسى ۇكىمەتىنىڭ 2011 جىلعى 31 ناۋرىزداعى №316 قاۋلىسىمەن بەكىتىلگەن «جۇمىسپەن قامتۋ – 2020» باعدارلاماسى ەڭبەك نارىعىنىڭ تيىمدىلىگىن ارتتىرۋعا سەپتىگىن تيگىزىپ, جۇرتشىلىقتى جۇمىسپەن قامتۋعا جاردەمدەسەتىن بەلسەندى شارالار جيىنتىعىنا اينالدى. باعدارلاما اياسىندا تابىسى از, جۇمىسسىز حالىقتى قايتادان كاسىبي دايارلىقتان وتكىزىپ, بەلگىلى ءبىر ماماندىققا باۋلىپ, بىلىكتىلىگىن ارتتىرۋدى كوزدەيدى. مۇنداعى شارالاردى ىسكە اسىرۋ ماقساتىندا 2011 جىلدىڭ 7 شىلدەسىنەن باستاپ قازاقستاننىڭ ءاربىر وبلىسىندا, ءاربىر اۋماعىندا جۇمىسپەن قامتۋ ورتالىقتارى قۇرىلعان بولاتىن. وسىلايشا, ەلوردامىزدا استانا قالاسى اكىمدىگىنىڭ «جۇمىسپەن قامتۋ ورتالىعى» كمم قۇرىلدى. بۇگىندە مەكەمە قالانىڭ الەۋمەتتىك جاعدايىن جاقسارتۋعا ايتارلىقتاي ۇلەس قوسۋدا. وسى بەس جىلدا مول تاجىريبە جيناقتالدى. جۇمىسپەن قامتۋ قىزمەتى جۇمىسسىز ازاماتتارعا ناقتى قولداۋ كورسەتەتىن قۇرىلىمعا اينالدى, ال ءبولىمنىڭ ماماندارى ءوز ءىسىن جاقسى يگەرىپ, حالىققا قىزمەت ەتۋدە.

قازىرگى تاڭدا «جۇمىسپەن قامتۋ – 2020» باعدارلاماسى «جۇمىسپەن قامتۋ – 2020 جول كارتاسى» باعدارلاماسىنا اۋىستىرىلىپ, ءىس جۇزىندە ءوزىنىڭ وزەكتىلىگىن, تيىمدىلىگىن دالەلدەدى.

2011-2016 جىلدار ارالىعىندا «ينفراقۇرىلىمدى جانە تۇرعىن ءۇي-كوممۋنالدىق شارۋاشىلىعىن دامىتۋ ەسەبىنەن حالىقتى جۇمىسپەن قامتۋدى قامتاماسىز ەتۋ» باعدارلاماسى بويىنشا 1269 جۇمىس ورنى قۇرىلدى. كاسىپتىك وقىتۋ شارالارىمەن 10 مىڭنان استام ادام قامتىلدى, 1700-دەن استام ادام قوعامدىق جۇمىس ورىندارىنا جىبەرىلىپ, 4 مىڭنان استام تۇلەكتەر جاستار پراكتيكاسىنان ءوتتى.

قىمبات توقتامۇرات

تاعىدا

ۇقساس جاڭالىقتار

پىكىر ۇستەۋ

Back to top button