استانادا بوس جۇمىس ورىندارىنىڭ جارمەڭكەسى ءوتتى. جىلىنا ەكى رەت ءداستۇرلى تۇردە وتەتىن مۇنداي جارمەڭكەلەر جۇمىسسىزدارعا لايىقتى جۇمىس تابۋىنا, ال جۇمىس بەرۋشىلەرگە مەكەمەسىن بىلىكتى ماماندارمەن جاساقتاۋعا مۇمكىندىك بەرەدى.
كەشەگى جارمەڭكە ناتيجەسىندە قالالىق جۇمىسپەن قامتۋ ورتالىعى دەرەكتەر بازاسىنا تىركەلگەن 800-گە جۋىق بوس جۇمىس ورنىن ۇسىندى. وعان 30-داي مەكەمەدەن زاڭگەر, پسيحولوگ, ەسەپشى, الەۋمەتتىك قىزمەتكەر, ينجەنەر-ەلەكترشى, اۋدارماشى, مونتاجداۋشى, ديزاينەر, تىگىنشى سەكىلدى ماماندارعا 100-دەن استام سۇرانىس كەلىپ ءتۇستى. جارمەڭكەگە جالپى سانى 1700-دەي ادام قاتىستى. ولاردىڭ 425-ءى تۇيىندەمەسىن وتكىزسە, مىڭنان استامى وقىتۋ كۋرستارى, قوعامدىق جۇمىستار جايىندا كەڭەس الدى. ال, جۇمىسپەن قامتۋ جانە الەۋمەتتىك باعدارلامالار باسقارماسى جوعارى وقۋ ورىندارىنىڭ بيىلعى تۇلەكتەرىنە «جاستار تاجىريبەسىمەن» قالالىق مەكەمەلەردە تاجىريبەدەن وتۋگە شاقىردى.
جارمەڭكە كورسەتكىشتەرى كوڭىلگە قونعانىمەن, ماماندار ءالى دە شەشىمىن تابا الماي كەلە جاتقان ماسەلەلەر بار ەكەنىن ايتادى.
*سۇبەلى ءسوز
نۇرگۇل احمەتوۆا,
جۇمىسپەن قامتۋ ورتالىعى ديرەكتورىنىڭ ورىنباسارى:جاستار كاسىپتىك وقىتۋ كۋرستارىنا بارعىسى كەلمەيدى. ماسەلەن, قۇرىلىسشى, دانەكەرلەۋشى, ەلەكترشى قاجەت مەكەمەلەرگە ماماندار تاۋىپ بەرە الماي وتىرمىز. امال جوق, ءۇي-ءۇيدى ارالاپ, جۇمىسسىز جانداردى وسى كۋرستارعا شاقىرىپ ءجۇرمىز. كۋرس تەگىن وقىتىلادى, كەرىسىنشە وقۋشىلارعا ايىنا 13 مىڭ تەڭگە كولەمىندە شاكىرتاقى تولەنەدى. جاستار بۇل ماماندىقتاردى قارا جۇمىس سانايدى, ولاردىڭ قىزىعاتىنى – كەڭسە قىزمەتكەرى, ەكونوميست, ەسەپشى. بىراق, بۇل ماماندىقتارعا سۇرانىس مۇلدە از.
التىناي بايداقوۆا,
ا.بايتۇرسىنوۆ اتىنداعى قمۋ-دىڭ ستۋدەنتى
