«اتامەكەن» قازاقستان كارتاسى» ەتنو-مەموريالدىق كەشەنىندە مەملەكەت باسشىسى نۇرسۇلتان نازارباەۆتىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» باعدارلامالىق ماقالاسىنداعى تاپسىرمالاردى جۇزەگە اسىرۋ بويىنشا ارەكەتتەر ستراتەگياسىن تالقىلاۋعا بايلانىستى دوڭگەلەك ۇستەل ۇيىمداستىرىلدى.
بۇگىنگى تاڭداعى اسا وزەكتى ماسەلەلەردىڭ ءبىرى الەۋمەتتىك سالاعا قاتىستى بولىپ وتىرعانى بەلگىلى. سوعان بايلانىستى قازاقستان رەسپۋبليكاسىنىڭ پرەزيدەنتى پراكتيكالىق, پراگماتيكالىق جاڭا باستاما بولىپ تابىلاتىن «جالپىعا ورتاق ەڭبەك قوعامى» يدەياسىن ۇسىنىپ, الەۋمەتتىك جاڭعىرتۋدىڭ باستى ماقساتتارى, مىندەتتەرى مەن قاعيداتتارىن بەلگىلەپ بەردى. الەۋمەتتىك ماسەلەلەردى اركەز باقىلاۋىندا ۇستاپ, ءوزىنىڭ نازارىن ءاربىر قازاقستاندىقتىڭ الەۋمەتتىك جاعدايىن جاقسارتۋعا باعىتتاپ وتىراتىن ەلباسى بۇگىندە قازاقستان وبەكتيۆتى تۇردە ورتاشا ەۋروپا ەلدەرىنىڭ الەۋمەتتىك دامۋ ساپاسى دەڭگەيىنە ناقتى جاقىنداعانىنا, وتانداستارىمىزدىڭ ءومىر ۇلگى-قالىپتارىنىڭ تۇراقتى تۇردە جوعارىلاپ كەلە جاتقانىنا توقتالدى. شىن مانىندە تۇراقتىلىق پەن يگىلىك جەمىستەرىن ءتيىمدى پايدالانۋدىڭ ماڭىزى زور. وسىعان وراي, دوڭگەلەك ۇستەل بارىسىندا «اتامەكەن» قازاقستان كارتاسى ەتنو-مەموريالدىق كەشەنىنىڭ ديرەكتورى ءۇمىتحان مۇڭالباەۆا اتالعان باعدارلامالىق ماقالاسىندا مەملەكەت باسشىسى الەۋمەتتىك جاڭعىرتۋلاردىڭ نەگىزگى قاعيداتتارىن بايىپپەن اشىپ كورسەتىپ بەرگەنىن تىلگە تيەك ەتتى. اتالمىش شاراعا «اتامەكەن پاتريوتتارى» مەن اتا-انالارى جانە كەشەن ۇجىمى, استانا قالاسى ەسىل اۋدانى اكىمى اپپاراتىنىڭ, مادەنيەت باسقارماسى مەن وعان قاراستى مەكەمەلەردىڭ, استانا قالاسى ىشكى ساياسات باسقارماسى مەن «نۇر وتان» حدپ وكىلدەرى قاتىسىپ, ەلباسىنىڭ ماقالاسىنا قاتىستى ويلارىن ورتاعا سالدى.
«اتامەكەن» قازاقستان كارتاسى ەتنو-مەموريالدىق كەشەنىنىڭ ۇجىمى بۇگىنگى تاڭدا وقۋشىلاردىڭ بويىنا ەڭبەكسۇيگىشتىك سەزىمدەردى ۇيالاتىپ, ءوز وتانى, ەلى مەن جەرى ءۇشىن ەڭبەك ەتىپ, ىزدەنىمپازدىقتى قۇرمەتتەۋگە تاربيەلەپ, ءوز حالقىنىڭ ماقتانىشى بولۋىنا, ونەگەلى ازاماتتار بولىپ قالىپتاسۋىنا ىقپال ەتىپ كەلەدى. سول سەبەپتى, دوڭگەلەك ۇستەل باسىنا جينالعاندار ەلباسىنىڭ جاستاردى جاقسىلىققا, جاقسى ومىرگە جەتەلەيتىن باعدارلامالىق ماقالاسىن «اتامەكەن پاتريوتتارىمەن» بىرلەسە تالقىلاپ, ونىڭ جۇزەگە اسۋىنا ۇلەس قوسۋ كەرەكتىگىن, جاڭعىرتۋدىڭ تابىستىلىعى ءۇشىن ءاربىر ازامات ءوز وتانىنا پايداسىن تيگىزۋى ءتيىس دەگەن پىكىرگە توقتالدى.
«استانا قالاسى وقۋشىلارىنىڭ ءبىلىم دەڭگەيىنىڭ تەرەڭدەتىپ, جان-جاقتى قالىپتاسۋىنا سەپتىگىمىزدى تيگىزۋمەن بىرگە جازعى دەمالىس ۋاقىتتارىن ءتيىمدى پايدالانۋعا زور ۇلەسىمىزدى قوسىپ كەلەمىز. مۇندا بالالار قازاقستان تاريحىنا قاتىستى بىلىمدەرىن جەتىلدىرىپ قانا قويماي, الەۋمەتتىك جاعدايلارىن تۇراقتاندىرىپ, تابىس تا تابادى. اي سايىن وزدەرىنە تيەسىلى ايلىقتارىن الىپ وتىرادى. وسى تاجىريبە ارقىلى ءبىز وقۋشىلاردىڭ بويىنا ەڭبەكقورلىق قاسيەتتى تۋدىرىپ, ەڭبەكتىڭ قادىرىن تۇسىندىرەمىز. «ەڭبەك ەتسەڭ – ەمەرسىڭ» دەمەكشى, ءار ادام ءوز ەڭبەگىنىڭ قىزىعىن كورىپ, حالقىنا پايداسىن تيگىزۋگە مىندەتتى», – دەدى ءۇ.مۇڭالباەۆا.
گۇلبارشىن وكەشقىزى
