دەنساۋلىق

جۇمىسشى-ميگرانتتار اراسىنداعى ايتۆ

5671c3c7047948180bbdf6ffd0980214_XL

استانا قالاسى اكىمدىگىنىڭ «جيتس-تىڭ الدىن الۋ جانە وعان قارسى كۇرەس ورتالىعى» مكقك دەنساۋلىق ساقتاۋدىڭ بىرنەشە باعىتتار بويىنشا ايتۆ جانە جىنىستىق جولمەن جۇعاتىن ينفەكتسيالاردى جۇقتىرۋ قاۋپىن تومەندەتۋ ماسەلەلەرى بويىنشا جۇمىسشى-ميگرانتتارمەن سانيتارلىق-الدىن الۋ جۇمىستارىن جۇرگىزىپ كەلەدى. 

ورتالىق قىزمەتكەرلەرى جۇمىسشى-ميگرانتتاردىڭ جۇمىس ورىندارى مەن مەكەنجايلارىنا: تىكەلەي ونەر­كاسىپتىك كاسىپورىندارعا, قۇرىلىس وبەكتىلەرىنە, جاتاقحانالارعا شىعىپ «ەڭبەك سالاسىنداعى ايتۆ جۇقپا­سىنىڭ وزەكتىلىگى» تاقىرىبىندا ءدارىس-سەمينارلار وتكىزدى. اقپاراتتىق قۇرالداردى مەملەكەتتىك جانە ورىس تىلدەرىندە تاراتىپ, جۇمىسشى-ميگ­رانتتارعا ايتۆ جۇقپاسىنىڭ الدىن الۋدا جەكە باسىن قورعايتىن قۇرالدارعا قولجەتىمدىلىك قامتاماسىز ەتىلدى.
جيتس ورتالىعىنىڭ ماماندارى
البانيا, تۇركيا, وزبەكستان, قىرعىز­ستان, رەسەيدەن كەلگەن جۇمىسشى ميگرانتتار اراسىنداعى ورتا جاس ارالىعى 30 جاستاعى ەركەكتەردىڭ (90%) باسىم­دىلىعى انىقتالعان ەكسپرەسس-باعالاۋ جۇرگىزدى. كوپتەگەن قۇرىلىس كومپانيا­لارى ايتۆ-عا تەستىلەۋ جۇرگىزۋ ءۇشىن جيتس ورتالىعىمەن كەلىسىمشارت جا­ساسادى. كەيبىر ۇيىمدار ورتالىقتىڭ ماماندارىن ءوز ۇيىمدارىنا جۇمىس ورنىندا ءوز ايتۆ ستاتۋستارىن بىلگىسى كەلەتىندەر ءۇشىن ەكسپرەسس-تەست وتكىزۋ ءۇشىن شاقىرادى.
استانادا ەڭبەك ميگرانتتارىنىڭ كوبى قۇرىلىس سالاسى مەن ونەركاسىپتىك كاسىپورىنداردا جۇمىس ىستەيدى. «ايتۆ/جيتس-تىڭ بيزنەسكە اسەرى» كورسەتكىشتەرى بويىنشا باسەكەگە قابىلەتتىلىكتىڭ جاھاندىق يندەكسىنىڭ رەيتينگىن ارتتىرۋ اياسىندا جيتس ورتالىعى كاسىپكەرلەر پالاتاسىنىڭ, كاسىپكەرلىك جانە ونەركاسىپتىك پالا­تالارىنىڭ باسقارماسى, سونداي-اق, مەملەكەتتىك كىرىستەر دەپارتامەنتى, استانا قالاسى بويىنشا كوشى-قون پوليتسيا باسقارماسىنىڭ كومەگىمەن ءىرى جانە ورتا بيزنەس سالاسىنداعى جۇمىسشى ميگرانتتار اراسىندا ايتۆ جۇقپاسىن ەسكەرتۋ بويىنشا پروفيلاكتيكالىق
ءىس-شارالار وتكىزەدى.

داناگۇل بەكسۇلتانوۆا,
استانا قالاسى اكىمدىگىنىڭ «جيتس-تىڭ الدىن الۋ جانە وعان قارسى كۇرەس ورتالىعى» مكقك ۇيىمداستىرۋ-ادىستەمەلىك ءبولىمىنىڭ دارىگەر-ەپيدەميولوگى

تاعىدا

ۇقساس جاڭالىقتار

پىكىر ۇستەۋ

Back to top button