جۇمىسسىزدىقتى ەڭسەرەر ەكى باعىت
ەلوردادا «جۇمىسپەن قامتۋدىڭ جول كارتاسى – 2020» باعدارلاماسى اياسىندا ەڭبەك نارىعىنداعى ءبىرتالاي قيىندىقتار ەڭسەرىلەتىن ءتۇرى بار. ونىڭ تيىمدىلىگى سول, جاڭا جۇمىس ورىندارى اشىلىپ قانا قويماي, ەلوردانىڭ كوپتەگەن نىساندارى جوندەۋدەن ءوتىپ, قالانىڭ ينفراقۇرىلىمدىق جۇيەسى دە اجارلانا تۇسپەك.
استانا قالاسى جۇمىسپەن قامتۋ ورتالىعىنىڭ مالىمەتىنە سۇيەنسەك, بيىلعى باعدارلاما ەكى باعىت بويىنشا جۇرگىزىلمەك. سونىڭ ءبىرى – ينفراقۇرىلىم مەن تۇرعىن ءۇي-كوممۋنالدىق شارۋاشىلىعىن دامىتۋ ەسەبىمەن جۇمىسپەن قامتۋ بولسا, ەكىنشىسى – جۇمىسقا ورنالاستىرۋعا كومەكتەسۋ جانە وقىتۋ باعىتى.
ءبىرىنشى باعىت بويىنشا 16 الەۋمەتتىك-مادەني نىسانعا كۇردەلى جوندەۋ جۇمىستارى جۇرگىزىلەتىن بولادى. اتاپ ايتقاندا, №7, №34, №24, №17, №33, №20, №2 بالاباقشالار, №50 «قازعارىش» مەكتەپ-ليتسەيى, №1 ليتسەي عيماراتى, «شىعىس» بالالار-جاسوسپىرىمدەر ورتالىعى مەن «ارمان» سپورتتىق-ساۋىقتىرۋ لاگەرى قايتا جاڭاراتىن بولادى. سونىڭ ەسەبىنەن 815 جاڭا جۇمىس ورنى اشىلادى. بۇعان قوسا, ورتالىق قالالىق كىتاپحانا, ۇلدار مەن قىزدارعا ارنالعان مەدرەسە, قارتتار مەن مۇگەدەكتەرگە ارنالعان مەديتسينالىق-الەۋمەتتىك مەكەمە, بالالار ءۇيى جوندەلىپ, 9 نىساننىڭ اينالاسى اباتتاندىرىلادى. تاعى ءتورت نىسانعا كۇردەلى جوندەۋ جۇمىستارى جۇرگىزىلىپ, ەسەسىنە 110 ادام جۇمىسپەن قامتىلماق.
ال «جۇمىسقا ورنالاستىرۋعا كومەكتەسۋ جانە وقىتۋ» باعىتى بويىنشا جۇمىس ىزدەپ جۇرگەن ازاماتتاردى كاسىبي وقىتۋ, الەۋمەتتىك جۇمىس ورىندارى مەن جاستار پراكتيكاسىن ۇيىمداستىرۋ شارالارى قولعا الىنعان.
بۇگىندە استانادا باعدارلاما بويىنشا 355 ادام تاربيەشى, تىگىنشى, ەلەكتر دانەكەرلەۋشى, ەلەكتريك, بۋحگالتەر ماماندىقتارى بويىنشا وقۋدى باستاپتى. ال, الەۋمەتتىك جۇمىس ورىندارى مەن جاستار پراكتيكاسىنا 371 ادام جىبەرىلگەن. ونىڭ 159-ى مەكەمەلەرمەن كەلىسىمشارتقا وتىرعان.
جىل باسىنان بەرى اتالمىش باعدارلاما بويىنشا 1151 ادام جۇمىسقا ورنالاسقان ەكەن.