جاڭالىقتار

جۇرەكتەردى جىلىتقان «جۇلدىزاي»

fb208c77049560d5f6ac08bfbbef459c

جۋىردا ەلوردادا مۇمكىندىگى شەكتەۋلى بالالار شىعارماشىلىعىن دامىتۋعا ارنالعان ح رەسپۋبليكالىق «جۇلدىزاي» فەستيۆالى ءوتتى. 

بيىل ءداستۇرلى تۇردە ءوز ارناسىن تاپقان ايتۋلى شاراعا ون جىل تولىپ وتىر. سوندىقتان, اتاۋلى مەرەيتويعا وراي وتكەن شىعارماشىلىق بايقاۋعا ەلىمىزدىڭ ءار تۇكپىرىنەن 2000-عا جۋىق ورەننەن ىرىكتەلگەن 300-گە جۋىق جاس تالانتتار قاتىستى. ولار التى نوميناتسيا بويىنشا ءوز ونەرلەرىن ساراپقا سالدى. ون التى وڭىردەن كەلگەن جەتكىنشەكتەر مۇمكىندىگى كەلگەنشە نامىستى قولدان بەرمەۋگە تىرىستى. اسىرەسە, باتىس قازاقستان وبلىسىنان كەلگەن جاس دارىنداردىڭ اياق الىستارى شيراق. ولارعا كورەرمەندەردىڭ ىقىلاسى جوعارى بولدى.
– ءبىز وسىمەن ونىنشى مارتە ءوتىپ وتىرعان بايقاۋعا جەتىنشى رەت قاتىسىپ تۇرمىز. ءار كەلگەن سايىن قانجىعامىز بوس قايتقان جوق. وسى جولى دا بي جانە سۋرەت اتالىمدارى بويىنشا جۇلدەدەن دامەلىمىز. اسىرەسە, «اياگوز» بيشىلەر توبى مەن بىرنەشە حالىقارالىق بايقاۋلاردىڭ جەڭىمپازى, جاس سۋرەتشى نۇرجان جۇماجانوۆ جەڭەدى دەگەن سەنىمىمىز مول. تاع­دىر­دىڭ باسقا سالعان تاۋقى­مەتىن تارتىپ جۇرگەن جاندارعا شىعارماشىلىق قولداۋ كورسەتىپ, جۇرەكتەرىندە ءۇمىت وتىن جاعىپ, جابىرقاپ جۇرگەن كوڭىلدەرىنە كوركەم كۇي سىيلاعان ۇيىم­داس­تى­رۋشىلارعا العىسىمىز شەكسىز. بايقاۋدىڭ جالعاسا بەرگەنىن قالايمىن, – دەيدى باتىس قازاقستان وبلىسىنىڭ جاس دارىندارىن باستاپ كەلگەن جەتەكشىسى نۇرگۇل ءماجيتوۆا.
سونىمەن, بابى مەن باعى كەلىسىپ, التى اينالىمنان سۋى­رىلىپ شىققان جۇيرىكتەردى
1 ماۋسىم – بالالاردى قورعاۋ كۇنى مەرەكەسىنە وراي وتەتىن گالا-كونتسەرتتە ماراپاتتاپ, باعالى سىيلىقتاردى تابىس ەتپەك. جانە «قازاقستان» ور­تالىق كونتسەرت زالىندا
وتەتىن ايتۋلى شارادا جە­ڭىم­پاز جاس دارىندار وتاندىق ونەر­پازداردان بولەك رەسەي­دىڭ تانىمال ءانشىسى ديانا گۋرتسكايامەن بىرگە ونەر كورسەتۋگە مۇمكىندىك الادى.

فارحات قانالى,
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ
1-كۋرس ستۋدەنتى

تاعىدا

ۇقساس جاڭالىقتار

پىكىر ۇستەۋ

Back to top button