ءىس جۇرگىزۋ تۇيتكىلدەرى تارازىلاندى
كەشە «ىسكەر» بيزنەس ورتالىعىندا استانا قالاسى تىلدەردى دامىتۋ باسقارماسى مەن «رۋحانيات» ورتالىعى مەملەكەتتىك مەكەمە ءىس جۇرگىزۋشىلەرىنە ارنالعان «مەملەكەتتىك ءتىل: قۇجات اينالىمى جانە تەرمين ماسەلەلەرى» تاقىرىبىندا سەمينار ۇيىمداستىردى.
تىلدەردى قولدانۋ مەن دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىن جۇزەگە اسىرۋ, مەملەكەتتىك تىلدە ءجۇرگىزىلەتىن ىسقاعازداردى ءبىرىزدەندىرۋ, قازاق تىلىندەگى قۇجاتتاردىڭ ساپاسىن ارتتىرۋ, وسى تاراپتاعى وزەكتى ماسەلەلەردى تالقىلاۋ ماقساتىندا وتكىزىلگەن شارادا استانا قالاسى مۇراعاتتار جانە قۇجاتتامالار باسقارماسىنىڭ باسشىسى الما شوقاەۆا بايانداما جاسادى. «مەملەكەتتىك تىلدە ءىس جۇرگىزۋدىڭ ماسەلەلەرى» جانە «مەملەكەتتىك تىلدە قۇجات ءازىرلەۋدىڭ ەرەكشەلىكتەرى» اتتى ەكى تاقىرىپتى سوزىنە وزەك ەتىپ العان بايانداماشى وسى تاراپتا سويلەدى. قۇجاتتار ساقتاۋعا دەيىن قانداي جولدان وتەتىنىن جانە ولاردى ءازىرلەۋ قانداي زاڭدار مەن ەرەجەلەرگە سايكەس جۇرگىزىلەتىنىن تاپتىشتەپ تۇسىندىرگەن ول قاتىسۋشىلاردىڭ سۇراقتارىنا جاۋاپ بەردى.
سوڭىندا مەملەكەتتىك مەكەمە ءىس جۇرگىزۋشىلەرىنە سەرتيفيكاتتار تاپسىرىلدى.
امانعالي شميتۇلى