استانادا جىل باسىنان بەرى 1 ميلليون شارشى مەتردەن اسا تۇرعىن ءۇي تاپسىرىلدى

جىل باسىنان بەرى قۇرىلىسقا باعىتتالعان ينۆەستيتسيالار كولەمى 63 041,1 ميلليون تەڭگەنى قۇرادى. 2015 جىلمەن سالىستىرعاندا پايدالانۋعا بەرىلگەن تۇرعىن ۇيلەردىڭ جالپى اۋماعى 1 134 324 شارشى مەترگە ۇلعايدى. بارلىق قارجىلاندىرۋ كوزدەرىنىڭ ەسەبىنەن 10 371 پاتەرلىك باسپانا تاپسىرىلدى.

جەكە تۇرعىن ءۇي سالۋشىلار جالپى اۋدانى 99 723 شارشى مەترلىك ءۇي سالعان.

تۇرعىن ۇيلەردىڭ باعاسىنا توقتالساق, ەلوردادا تۇرعىن ءۇيدىڭ جالپى اۋدانىنىڭ 1 شارشى مەترىنىڭ قۇنى ورتا ەسەپپەن 129,7 مىڭ تەڭگەنى قۇرايدى, ونىڭ ىشىندە جەكە تۇرعىن ءۇي سالۋشىلار ءۇشىن شارشى مەتردىڭ قۇنى – 115,5 مىڭ تەڭگە.

قازىرگى كەزدە استانا قالاسىنىڭ كاسىپورىندارى مەن ۇيىمدارى 223 462,1 ملن. تەڭگەنى قۇرايتىن قۇرىلىس جۇمىستارىن (قىزمەتتەرىن) ورىندادى, سونىڭ ىشىندە 50,8%-ى جەكە مەردىگەرلىك ۇيىمدارعا, 49,1%-ى شەتەلدىك مەردىگەرلىك ۇيىمدارعا 0,1%-ى مەملەكەتتىك مەردىگەرلەرگە تيەسىلى.

نەگىزىنەن, قۇرىلىس-مونتاجداۋ, كۇردەلى جانە اعىمدىق جوندەۋ جۇمىستارى جۇرگىزىلەدى.

قۇرىلىس جۇمىستارىنىڭ باسىم بولىگىن تۇرعىن جانە تۇرعىن ەمەس عيماراتتاردىڭ قۇرىلىسى قۇرايدى – 68,7%, ەلەكتروتەحنيكالىق, سلەسارلىق جانە وزگە دە قۇرىلىس-مونتاجداۋ جۇمىستارى – 10,5%.

astana.gov.kz