جىل سوڭىندا بەس ءۇي
حالىقتى تۇرعىن ۇيمەن قامتاماسىز ەتۋ ماسەلەسى بۇگىندە وزەكتى بولىپ قالۋدا. مەملەكەت باسشىسىنىڭ «نۇرلى جول – بولاشاققا باستار جول» تاقىرىبىنداعى جولداۋى اياسىندا ۇكىمەتتىڭ الدىنا قويعان باستى مىندەت – حالىققا قولجەتىمدى باسپانا سالۋ.
پرەزيدەنت تۇرعىندارعا ساتىپ الۋ قۇقىن بەرە وتىرىپ, ۇزاق مەرزىمدى جالعا ۇسىناتىن تۇرعىن ءۇي سالۋدى ۇسىندى. باسپانانى تىكەلەي, دەلدالدارسىز جانە نەسيەگە بارىنشا تومەن پايىزبەن ۇسىنۋ ونىڭ ساتىپ الۋ قۇنىن ارزانداتۋعا مۇمكىندىك بەرەدى.
قازىرگى كەزدە استانادا «قولجەتىمدى باسپانا – 2020» مەملەكەتتىك باعدارلاماسى اياسىندا تۇرعىن ءۇي قۇرىلىسى جۇرگىزىلۋدە. قۇرىلىس باسقارماسىنىڭ مالىمەتىنشە, ناق وسى باعدارلاما اياسىندا جالپى اۋدانى 130 مىڭ شارشى مەتر 2 671 پاتەرلىك سەگىز تۇرعىن ءۇي سالىنىپ جاتىر.
سونىڭ ىشىندە 1 574 پاتەرلىك بەس تۇرعىن ءۇي كەشەنىن پايدالانۋعا بەرۋ جوسپارلانعان.
بۇدان باسقا, 1135 پاتەرلىك 8 تۇرعىن ءۇيدىڭ قۇرىلىسى باستالدى. ولاردى 2015-2016 جىلدارى پايدالانۋعا بەرۋ جوسپارلانعان.
جالپى, باعدارلامانى ىسكە اسىرۋ اياسىندا استانادا جالپى اۋدانى 84,06 مىڭ شارشى مەتر 1 581 پاتەرلىك جەتى تۇرعىن ءۇي تاپسىرىلدى. 2015 جىلى جالپى اۋدانى 108,4 مىڭ شارشى مەتر 1 937 پاتەرلىك 10 تۇرعىن ءۇيدى سالۋ جالعاسادى.