2022 жылғы 5 маусымда Қазақстан Республикасының Конституциясына өзгерістер мен толықтырулар енгізу жөніндегі республикалық референдум өтеді.
Қазақстан Республикасының жаңа тарихында аса маңызды кезең басталды. Мемлекет басшысы Қасым-Жомарт Тоқаев мәлімдегендей, негізгі заңға енгізілген түзетулер біздің еліміз үшін тағдыршешті мәнге ие. Өзгерістер Конституция баптарының үштен біріне қатысты болады. Негізгі заң мүлдем жаңа өлшемге ие болады. Мұндай ауқымды өзгерістер бүкілхалықтық талқылауға шығарылуы тиіс.
Әлбетте, алдағы жалпыұлттық референдумға барша қазақстандықтар белсене қатысуға тиіс. Біз, аға буын өкілдері, жастарға ерекше үміт артамыз. Республиканың жаңа ұрпағына, әділеттілік сезімі шиеленіскен адамдарға үшінші мыңжылдықта өмір сүріп, жасампаздық таныту керек.
Біздің елордамызда салауатты амбициясы бар, дайын және өмірді жақсы жаққа өзгерте алатын шығармашыл, белсенді адамдар өмір сүреді, жұмыс істейді, оқиды. Талапты жастар өсіп келеді!
Біз, өткен дәуірдің өкілдері де жас, жігерлі, іскер едік. Қазақстан құрылысына бар күш-жігерімізді, білім мен еңбегімізді жұмсадық. Елордалық Ардагерлер қозғалысының белсенділері бізден эстафетаны алып жатқан ұрпақтарды 21 ғасыр жастарын бар күш-жігерін оқуға, «Жаңа Қазақстанның» игілігі үшін еңбек етуге шақырады. Сіздердің еліміздің саяси өміріне белсене қатысуларыңыз қазақстандық патриотизмнің, Отанымыздың болашағы үшін жауапкершіліктің көрінісі болмақ.
«Жаңа Қазақстан» – қоғамдық трансформация, суперпрезиденттік республикадан ықпалды Парламенті бар президенттік республикаға көшу жүріп жатқан Әділетті Қазақстан. Екінші республика мемлекеттік басқару моделін өзгертуді көздейді. Жаңартылған Қазақстан автократиядан демократияға көшуде. Жаңа саяси мәдениетті қалыптастыру міндеті тұр.
Бүгінгі таңда негізгі реформалар жүйелі түрде жүзеге асырылуда. Саяси бағыт халықтың әл-ауқатын жақсартуға бағытталған. Бізге де, Қазақстан азаматтарына да сырттан бақылаушы болып қалуға болмайды. Бүгінде белсенділік пен бастама әрбір қазақстандықтан бастау алуы тиіс. Бұл – уақыт пен қазіргі шындықтың талабы.
Конституциялық реформа адам құқықтары мен бостандықтарының, демократияның, әрбір қазақстандықтың азаматтық белсенділігінің басымдығына бағытталған. Негізгі реформалар өмірдің барлық саласында жүріп жатыр. Жас қазақстандықтарды жұмысқа орналастыру, оқыту және қайта оқыту бойынша жастар бағдарламалары әзірленіп, іске асырылуда, жаңа жұмыс орындары құрылуда, бизнес қолдау табуда.
Әлеуметтік басымдықтар, халықтың барлық жіктерін қолдау қазақстандықтарға ертеңгі күнге деген мүмкіндік пен сенімділік береді. Жүргізілген жұмыс әр адамның өмір сүру сапасын жақсартуға түбегейлі әсер етеді.
Тәуелсіздік таңында біз көп қиындықты еңсеріп, көп еңбектеніп, республиканың игілігін еселедік. Бүгін біз сүйікті Отанымыздың игілігі үшін күш саламыз. Әрі қарай да, бүкіл әлеммен бірге қуатты, гүлденген «Жаңа Қазақстанды» құратын боламыз!
Сансызбай ЕСІЛОВ,
қалалық Ардагерлер кеңесінің төрағасы
