«Таза Қазақстан» экология акциясының аясында Астана қаласы Мемлекеттік архивінің 70-тен астам
қызметкері ұйымның аумағында жалпысенбілікке шықты, деп хабарлайды astana-akshamy.kz.
– Қызметкерлеріміз өз ауласын тазарту арқылы қаламызды қоқыстан арылтып, елордамыздың
гүлденуіне өз үлесін қосуда. Мұндай іс-шаралар барлық қазақстандықтың тазалық пен тәртіпті сақтауды қалыптастыратыны сөзсіз. Бұдан кейін де біздің ұжым қызметкерлері осындай акцияларға үнемі атсалысып отырады. Мысалы, бұл жолы ауламызға ағаштар отырғыздық. Өйткені ең бірінші тазалық өзіміз үшін қажет. Қаланың көрікті болуы тұрғындардың тазалығына байланысты екенін жастар ұғынуы керек деп есептеймін, – деді Астана қаласы Мемлекеттік архивінің директоры Жанкелді Бимолдин.
