Әлеумет
«АСАР» ӘЛЕУМЕТТІК АКЦИЯСЫ
Астанада Қазақстан халқы ассамблеясының қалалық хатшылығының бастамасымен Білім басқармасы мен елорда әкімдігі жанындағы «Қоғамдық келісім» мекемесі бірлесе отырып, балалар үйін қолдап, қаржылық демеуге бағытталған «Асар» әлеуметтік акциясын өткізді.
Аталған игі шара жетім балаларға қайырымдылық көмек көрсету, Қазақстандағы қараусыз қалған балалардың тағдырына қоғам назарын аудару мақсатын көздейді.
Акция аясында Астана қаласының «Алеф» еврей мәдени орталығы, «Лад» славян қозғалысы секілді этномәдени бірлестіктер мен түрік және түркімен мәдени орталықтары, құқық қорғау органдары және Ұлттық қауіпсіздік қызметі мен білім саласының өкілдері Балалар үйінің тәрбиленушілерімен кездесті. Қонақтар балалардың шығармашылық шеберханаларында болып, олардың өнерін тамашалады.
Келген меймандарға тәрбиеленушілер өздері жасаған музыкалық бұйымдарды сыйға тартты.
Жақсы СӘТҰЛЫ