Өзбекстан ұлттық құрамасының бұрынғы бас бапкері Вадим Абрамов елордалық «Астана» футбол командасының бас бапкері болып тағайындалды.
Бапкерлік мансабын Ферғананың «Нефтчи» командасынан бастаған В.Абрамов кейіннен Өзбекстанның басқа да командаларын, сондай-ақ олимпиадалық және ұлттық құраманың да бапкері болған. Өзбекстан олимпиадалық құрамасын Пекин және Лондон ойындарының іріктеу жарыстарының финалдық кезеңіне шығарған. Өзбекстан ұлттық құрамасымен 2011 жылы Азия чемпионатында төртінші орын алған.
