АСТАНА – СӘН ҮЛГІСІНІҢ ОТАНЫ
МИЛАН, НЬЮ-ЙОРК, ЛОНДОН ЖӘНЕ ПАРИЖ КЕШЕГІНІҢ ЕНШІСІНДЕ, АЛ БҮГІНГІ СӘН ҮЛГІСІНІҢ ОТАНЫ – АСТАНА! ОСЫНДАЙ ҰРАНМЕН «БӘЙТЕРЕК» МОНУМЕНТІНІҢ ТҮБІНДЕ ҚАЗАҚСТАН МЕН НЕМІС ДИЗАЙНЕРЛЕРІНІҢ ҚАТЫСУЫМЕН ФЭШН-ШОУ БОЛДЫ.
«Astana fashion show-2012» шарасына қатысу үшін Германияның белгілі дизайнерлері Ксения Зелинг пен Дэнди Циммерман 2013 жылдың көктем-жазына арналған жиынтығын ала келіпті. Қазақстан тарапынан бұл шараға жас дизайнерлер Әйгерім Акенова мен Дариға Тайшықова қатысты. Олар да өздерінің қолынан шыққан сән үлгілерін Астана жұртшылығына таныстырды.
*Сүбелі сөз
Гидо Херц, Германия Федеративтік Республикасының Қазақстандағы Төтенше және өкілетті елшісі:
– Неміс сән үлгілері әлемдегі ең үздік халықаралық трендтердің қатарында. Былтыр Германияның сән саласындағы тауар айналымы 13 млрд еуроны құрады. Германияда қазір танымал брендтердің саны 70-ке жуықтайды. Міне, олардың жүріп өткен ізімен Германия мен Қазақстанның жас дизайнерлері де өз соқпақтарын салғалы отыр. Осылайша, «Astana fashion show -2012» шарасы арқылы Астана да әлемдік сән көшіне қосылады деп айтуға болады.