SportЖаңалықтар
«АСТАНА» ТҮРКИЯҒА АТТАНАДЫ
Футболдан 2014 жылғы Қазақстан чемпионы атанған «Астана» командасы жаңа маусым алдындағы алғашқы оқу-жаттығу жиынын өткізу үшін Түркияға аттанады.
Команданың оқу-жаттығу жиыны 10-20 желтоқсан аралығында өткізілмек. Биыл чемпиондық атаққа қол жеткізген негізгі ойыншылардың бәрі дерлік команда құрамына шақырылған. Сонымен қатар, клубтың жастар командасында тәрбиеленген бірнеше жас ойыншылар да оқу-жаттығу жиындарына қосылмақ.
«Астана» жаңа маусымдағы алғашқы ойынын алдағы көктемде алматылық «Қайрат» командасымен өткізеді. Қазақстан чемпионы мен Қазақстан кубогының жеңімпазы Суперкубок үшін таласатын болады.
Ғалым ҚОЖАБЕКОВ