Бүгін, 29 қыркүйек күні «Астана Арена» стадионында Еуропа лигасы аясында өтетін «Астана» – «Янг Бойз» матчы кезінде Қабанбай батыр және Тұран даңғылдары бойындағы Керей-Жәнібек хандары көшесінен Хусейн бен Талал көшелеріне дейінгі жол бөлігі жабылады.
Бұл жолмен жүрушілерге Орынбор көшесімен айналып жүруге кеңес беріледі.
Бұл жол учаскесінде көлік қозғалысы такси және қоғамдық көліктерден басқа автомобильдер үшін сағат 19.00-ден бастап матч аяқталғанға дейін шектеледі.
Жанкүйерлер үшін матчқа апаратын арнаулы автобустар сағат 19.00-де мына жерлерде күтетін
болады: «Қазақстан» СК, Астаналық цирк, Қ.Мұңайтпасов атындағы стадион, «Хазірет Сұлтан» және «Нұр Астана» мешіті.
Жол жүру бағасы – 90 теңге.
