Жаңалықтар
АСТАНАДА АМБУЛАТОРЛЫҚ-ЕМХАНАЛЫҚ КЕШЕН АШЫЛДЫ
Бүгін Астана қаласының әкімі Иманғали Тасмағамбетов Тәуелсіздік күні мерекесіне орай елордада жаңадан бой көтерген №10 амбулаторлық-емханалық кешенді ашты. Жаңа нысан Жамбыл және С.Сейфуллин көшелерінің қиылысында орналасқан.
«100 мектеп, 100 аурухана» мемлекеттік бағдарламасы аясында салынған жаңа нысан бір ауысымда 500-ге жуық адамды қабылдай алатын болады. Ал жалпы алғанда 65 мың адамға қызмет көрсетуге бағытталған. Қазіргі заманғы медициналық техникамен жабдықталған кешен үш блоктан құралған бес қабатты ғимаратта орналасқан.