Астанада әлеуметке қажетті деген қант, қарақұмық пен кейбір көкөністердің бағасы айтарлықтай төмендеді, деп хабарлайды елорда әкімдігінің ресми сайты.
Ауылшаруашылығы басқармасының мәліметінше, бүгінде «Шапағат» коммуналдық базарында картоптың бағасы – 115 теңге, пияз – 100 теңге, сәбіз – 105, капуста 90 теңгеден сатылып жатыр.
«Биыл картоптың бағасы 25 теңгеге арзандады, пияз 5 теңгеге, капустаның бағасы сол қалпында қалды» делінген ведомствоның хабарламасында.
Сондай-ақ, жарманың да бағасы төмендеген. 2017 жылы күріштің бағасы – 210 теңге, қарақұмық жармасы – 253 теңге, қанттың бағасы 230 теңге болған.
Биыл күріш пен қанттың бағасы 40 теңгеге арзандаса, қарақұмық екі есе арзандады. Тек еттің бағасы ғана өзгеріссіз қалған. Мамандар өзге де әлеуметтік емес азық-түліктердің бағасы өскенін айтуда. Бірақ, бұл – уақытша құбылыс. Жаз маусымы кезінде бұл бағалар тұрақтанады деп болжануда.
