ҚР Сауда және интеграция министрі Арман Шаққалиевтің ҚХР-ға сапары аясында үшінші сәуірде Цзянсу провинциясы (Нанкин қаласы) үкіметінің аппаратымен және Jiangsu Soho Holding Group корпорациясының басшысы Чжоу Юнмен кездесулер өтті, деп хабарлайды astana-akshamy.kz
Министр 2024 жылдың қыркүйегінде ашылған «Цзянсу-Орталық Азия» орталығы мен Қазақстанның Нанкин қаласындағы Ұлттық павильонында болып, павильионның жарты жылдық қызметті қорытындыланды.
Тараптар сауда-экономикалық ынтымақтастықтың перспективаларын, сондай-ақ мемлекет басшыларының қатысуымен өтетін «Орталық Азия + Қытай» саммитіне орайластырылатын Астана қаласында 11-13 маусым аралығында Цзянсу провинциясының импорттық және экспорттық тауарларының Expo Goods Central Asia көрмесін өткізу мәселелерін талқылады.
Сонымен қатар Soho Holding Group Цзянсу провинциясының импорттық және экспорттық тауарларының параллель көрмесін ұйымдастырады.
«Екі елдің үкіметтері бұл іс-шараға үлкен мән бергендіктен, көрме екіжақты ынтымақтастықтың жетістіктерінің көрмесі және оны тереңдетуге арналған алаң болады деп үміттенеміз. Министрлік Soho Holding Group пен Цзянсу кәсіпорындарына көрмені ұйымдастыруға және қатысуға қажетті қолдау көрсетуге дайын», – деп атап өтті Арман Шаққалиев.
Сауда және интеграция министрінің 2024 жылғы қыркүйекте Нанкин қаласына сапары шеңберінде қол жеткізілген уағдаластықтарды іске асыру мақсатында Қытай тарапы Астана қаласында іске асыруды жоспарланған Цзянсу көпфункционалды орталығының эскиздерін ұсынды. Оның құрылысы 2026 жылы жоспарланған.
Министр Soho Holding Group жүргізген Цзянсудағы орталық құрылысының жылдамдығы мен сапасына таңданысын жасырмады.
«Оның ішінде корпорация Орталық Азия елдері тауарларының павильондарын, оның ішінде Қазақстанның ұлттық және коммерциялық павильонын, қазақстандық компаниялар үшін Шанхай CIIE импорттық көрмесінде кеңсе үй-жайларын тұрғызды. Бұл нәтижелер біздің тарапымыздан жоғары бағаланды», – деді ол.
Сонымен қатар, Атырау облысында арнайы экономикалық аймақ немесе Индустриялық парк құру жөніндегі инвестициялық жобаны іске асыруға ниетті Eurasia Construction Capital Co Ltd компаниясының өкілдерімен кездесу өтті. Сапар барысында ынтымақтастық туралы Меморандумға қол қойылды. Бірінші кезеңде инвестициялардың болжамды сомасы 100 млн АҚШ долларын құрайды.
Корпорация халықаралық инженерлік жобалар, сауда, интеллектуалды технологиялар, муниципалды көгалдандыру және экологиялық технологиялар қызметтерін біріктіреді. Компанияның қызметі Қытай, Ресей, Орталық Азия (Қазақстан, Өзбекстан, Қырғызстан), Таяу Шығыс (Кувейт, Оман, Сауд Арабиясы) және Оңтүстік Азия (Пәкістан) елдерін қамтиды.
Осы жеке арнайы экономикалық аймақты құруға 7 ірі компания қатысуға ниетті, олардың ішінде ішінде:
1) Shanghai Zhuoran Engineering Technology Co., Ltd., – ірі мұнай-химия қондырғылары үшін жетекші қызмет интеграторы. Өзінің патенттерімен, «А» класты жобалау лицензиясымен және өндірістік қуаттылығымен компания мұнай-химия өнеркәсібінде технологияларды, жобалауды, өндіруді және құрылысты біріктірудің жаңа моделін жасады;
2) Ningxia Qinglong Pipe Industry Co., Ltd – құбыр жүйелерін жобалауға, өндіруге және қызмет көрсетуге маманданған. Сумен жабдықтау және жел энергетикасын қоса алғанда, ұлттық жобаларға қатысады;
3) Shenzhen Zhongke Zhiqing New Energy Technology Co., Ltd – Көміртекті бейтарап қондырғыларға маманданған, күн мен жел энергиясын пайдаланып, CO₂ шығарындыларын 100%-ға азайтады;
4) Jiangmen Paint Factory Co., Ltd – еритін және су тоттануға қарсы жабындар, кемелер, автомобильдер, өнеркәсіп үшін арнайы бояулар шығарады;
5) Zhejiang Paluofen New Materials Technology Co., Ltd – минералды мақтадан шатыр мен қабырға панельдерін жасайды;
6) Hubei Liyu New Building Components Co., Ltd – құрама бетон конструкцияларын өндірумен айналысады;
7) Jiangsu Luye Construction Co., Ltd – құрылыс қалдықтарын жол материалдарына өңдеуге маманданған.
«Біз осы жобаны толығымен қолдай отырып, Қазақстанда жоғары өңделген өнім өндірісін құру ниетіңізді жоғары бағалаймыз. Бүгін оны іске асыру туралы ниетке қол қою рәсімі болды, біз оны енгізу үшін қажетті мәселелерді жедел қарастырамыз», – деп атап өтті Арман Шаққалиев.
Парк құрудың негізгі мақсаттары:
- зерттеу, өнеркәсіптік өндіріс және стартап-инкубация орталығын құру;
- процестерді оңтайландыру, энергияны үнемдеу және ластануды азайту үшін «жасыл» технологияларды енгізу;
- озық халықаралық инновациялар есебінен Қазақстан өнеркәсібінің дамуын жеделдету.
