Ел тынысы

Астанада коммуналдық қызметтер күшейтілген режимде жұмыс істеуде

Астанада қар аралас жаңбыр жауып тұр. Көшелерді тазарту үшін түнгі ауысымда 700-ден астам арнайы техника жұмылдырылды, деп хабарлайды astana-akshamy.kz. 

Астанада қар күреу тәулік бойы ауысымдық режимде жүргізіледі. Бірінші кезекте орталық көшелер, жолаушылар көлігі маршруттары, аялдамалар мен тротуарлар тазаланады.

Түнгі ауысымда қар тазалауға 200-ден астам жол жұмысшы мен 700-ден астам арнайы техника жұмыс істейді.

10 наурызда бір күнде полигондарға 27 мың текше метр қар 2,1 мың ауыр жүк рейсі арқылы жеткізілді.

Қыс мезгілінің басынан бастап 6,1 млн текше метрден астам қар шығарылды, бұл 451 мыңнан астам ауыр жүк көлеміне тең.

Көктайғақ кезінде қала тұрғындарының қауіпсіз жүруі үшін жолдарға, тротуарлар мен көшелерге құм-тұз қоспасы себіледі.

Көлік жүргізушілері жолда мұқият болуы, жылдамдық режимін сақтауы қажет.

Тағыда

admin

«Астана ақшамы» газеті

Ұқсас жаңалықтар

Back to top button