Астанада мектеп оқушыларын тамақтандыру комбинатының құрылысы басталды. Білім беру саласын дамытудың 2011-2020 жылдарға арналған бағдарламасы аясында осындай комбинаттарды еліміздің барлық аймақтарында салу жоспарланып отыр.

Мемлекет басшысы Нұрсұлтан Назарбаев Премьер-министр Серік Ахметовті қабылдады. Үкімет басшысы еліміздің қазіргі әлеуметтік-экономикалық дамуы, негізгі мемлекеттік бағдарламалардың іске асырылуы және Үкіметтің кеңейтілген отырысында берілген тапсырмалардың орындалу барысы туралы баяндады. Сонымен қатар, одан арғы экономикалық өсімді қамтамасыз етудің және азаматтардың әл-ауқатын арттырудың негізгі мәселелері қаралды. Кездесу қорытындысында Мемлекет басшысы бірқатар нақты тапсырмалар берді.