Ел тынысы

Астанада «Қауіпсіздік әліппесі» қалалық фестивалі өтті

Елордада үшінші жыл қатарынан «Қауіпсіздік әліппесі» қалалық фестиваль-байқауы өтіп жатыр, деп хабарлайды astana-akshamy.kz

Фестиваль-конкурс 10-14 жас аралығындағы ерекше білім беру қажеттіліктері бар балаларға арналған №3 арнайы мектепте өтті.

Ұйымдастырушылардың айтуынша, фестиваль білім алушылардың бойында қауіпсіз мінез-құлық пен тіршілік әрекетінің негіздері мен дағдыларын қалыптастыру, сондай-ақ ерекше білім беру қажеттіліктері бар балалардың шығармашылық қабілетіне қоғамның назарын аудару мақсатында өткізіледі.

«Біз бұл байқауды мамыр айында үшінші жыл өткізіп жатырмыз және алдымызда практикалық мақсат бар. Балалар қауіпсіздік ережелерімен танысып, мереке кезінде есте сақтайды. Бүгін біз судың жанында қалай жүру керек, неге сіріңкемен ойнауға болмайтынын айтып, жол қозғалысының қарапайым ережелерін ойын түрінде түсіндірдік», – дейді №3 арнайы мектеп директоры Гүлдана Әбдіғалиева.

Астана қаласы ПД Байқоңыр ауданы полиция басқармасының полиция капитаны Айдана Жукенова балаларға жол қозғалысы ережелерін түсінуге көмектесті.

Байқау екі кезеңде өтті, оған 3 арнайы мектептен және 1 жалпы білім беретін мектептен 36 оқушы төрт номинация бойынша қатысты: «Сіріңке балалар үшін ойыншық емес» суреттер байқауы, «Өртке қарсы инвентарь» қолөнер байқауы, «Жолдардағы қауіпсіздік» әлеуметтік бейнероликтер байқауы, «Қауіпсіз балалық шақ» командалық қойылымы.

Барлық жеңімпаздар «Балалар әлемі» дүкенінің дипломдарымен және сертификаттарымен марапатталды.

«Қауіпсіз балалық шақ» номинациясында 3 команда өнер көрсетті. №3 арнайы мектептің «Summer time» командасы жеңімпаз атанды. Екінші орында – «Бағдаршам» командасы (№2 арнайы мектеп) және үшінші орында – «Жас ұлан» командасы (№1 арнайы мектеп-интернат).

Іс-шараны ұйымдастырушылар конкурсты өткізуге көмектескені үшін жеке компанияларға алғыстарын білдірді, сондай-ақ концерттік нөмірлері үшін М.Өтемісов атындағы Оқушылар сарайына алғыстарын білдірді.

Тағыда

admin

«Астана ақшамы» газеті

Ұқсас жаңалықтар

Back to top button