Астана қаласында жалпы криминогенді ахуал бойынша қылмыстың төмендегені байқалады.
Соңғы үш айдың ішінде қылмыстың деңгейі 33%-ға азайған. Ізі суып үлгермеген 87 қылмыс ашылса, сот пен тергеу амалдарынан қашып жүрген 14 қылмыскер ұсталды. Із-түзсіз жоғалған алты адам табылып, 27 адам уақытша тергеу изоляторына қамалған екен.
Қалалық департаменттің мәліметіне сүйенсек, елорда кө шелеріндегі бейнебақылау камераларының көмегімен 16 қылмыс пен 1 369 әкімшілік құқық бұзушылық анықталды. Жол қозғалысы ережесін бұзған 1480 дерек тіркелсе, ол бойынша 6 миллионнан астам айыппұл салынған.
Заңсыз көші-қонның алдын алуда мыңнан астам шетелдік әкімшілік жауапкершілікке тартылды. Оның 233і сот тәртібімен елден шығарылды.
Сондай-ақ Шарын, Шанхай базары, «Артем» сауда орталықтарын тексеру кезінде қолданыстағы ережені бұзған 59 шетелдіктің елде болу мерзімдері қысқартылды.
Гүлмира АЙМАҒАНБЕТ
