Астана қаласында «Қолжетімді баспана-2020» мемлекеттік бағдарламасы бойынша тағы бір тұрғын үй кешені пайдалануға берілді, деп хабарлады astana.kz сайтына «Қазақстанның Тұрғын үй құрылыс жинақ банкі» АҚ баспасөз қызметінен.
Жаңадан пайдалануға берілген 9 қабатты 99 пәтерлік тұрғын үй оң жағалаудағы Шәкәрім Құдайбердіұлы көшесінде орналасқан. Бұл Астана қаласы бойынша «Қолжетімді баспана-2020» мемлекеттік бағдарламасы аясында пайдалануға берілген үшінші тұрғын үй болып отыр.
