Астанада №1, №6, №11 және №85 қалалық автобус маршруттарының қозғалыс сызбасы уақытша өзгерді. Бұл туралы 30 наурызда CTS көлік компаниясы мәлімдеді, деп хабарлайды astana-akshamy.kz
— Құрметті жолаушылар! Маршруттардың қозғалыс бағыты уақытша өзгертілді, — делінген компанияның Instagram-дағы ресми парақшасында.
Өзгерістердің себептері мен олардың қанша уақытқа созылатыны туралы компания нақтыламады. Жолаушыларға маршруттарды жоспарлау кезінде бұл өзгерістерді ескеріп, жаңартылған ақпаратты бақылау ұсынылады.
Бұған дейін № 41 автобусының бағыты уақытша өзгеретіні хабарланған болатын.
