Жыл басынан бері Астана қаласы әкімдігінің Жұмыспен қамту орталығының көмегіне 8487 адам жүгінді. Олардың 4233-і тұрақты жұмыс орындарына орналастырылса, 1244 адам қоғамдық жұмыстарға жіберілді.
Сонымен қатар, 623 жұмыссыз кәсіптік оқытудан өтіп, 435 бітіруші түлек жастар практикасына қатысып жатыр. Осыған қоса, 105 азамат әлеуметтік жұмыстарға тартылды.
Осылайша, жұмыс іздеген 8487 адамның 6640-ы, яғни 78,3 пайызы әлеуметтік қорғау шараларымен қамтылды.
Айта кетейік, қолға алынған шаралардын нәтижесінде әйелдер жұмыссыздығы 1,6 пайызға (6,3 %-дан 4,7 %-ға ), ал жастар арасындағы жұмыссыздық 0,4 пайызға (5,6 % -дан 5,2 %-ға) төмендеген.
