Жедел профилактикалық іс-шараларды аудандық әкімдіктердің қызметкерлері Астана полиция департаментімен бірлесіп жүргізеді. Рейдтер жеке кәсіпкерлік объектілерін – сауда орталықтарын, азық-түлік дүкендерін және т.б. қамтиды.
Есіл ауданында жыл басынан бері қоғамдық орындарда шегілмейтін темекі өнімдері мен кальяндарды тұтынуды бақылау бойынша 30 рейд жүргізілді. Тексеру қорытындысы бойынша 523 құқық бұзушылық анықталды, жалпы сомасы 18 868 235 теңгеге 523 әкімшілік хаттама жасалды, оның 14 749 465 теңгесі өндірілді.
Жыл басынан бері Нұра ауданында 21 кәсіпкерлік объектісіне профилактикалық түсіндіру жүргізілді. Тексеру барысында заң бұзудың 12 жағдайы анықталды, оның ішінде қыздырылатын темекісі бар өнімдер, кальянға арналған темекі, кальян қоспалары, темекіні қыздыруға арналған жүйелер, электронды темекі және оларға арналған сұйықтықтар бар. Рейд қорытындысы бойынша қоғамдық орындарда кальян шегуге қатысты тыйымды бұзған мекемелерге келушілерге қатысты 65 әкімшілік хаттама жасалды. Айыппұлдардың жалпы сомасы 3 млн 325 мың теңгені құрады. Мекеме әкімшілері мен иелері де жауапкершілікке тартылды.
Алматы ауданының аумағында кальян тұтыну және сату жағдайларын анықтау бойынша 11 рейдтік іс-шара өткізілді. 45 жеке тұлғаға айыппұл салынды, сонымен қатар шегілмейтін темекі өнімдерін – насыбай мен снюсті сатуды анықтау үшін 6 рейд жүргізілді. 20 дүкен анықталды, 500-ден астам шегілмейтін темекі өнімдері тәркіленді, барлық құқық бұзушы жауапқа тартылды.
Сарыарқа ауданының әкімдігі мүдделі мемлекеттік органдармен бірлесіп 15 рейдтік іс-шара өткізді, оған мемлекеттік органдар мен қоғам өкілдері қатысты. Жыл басынан бері аудан бойынша қоғамдық орындарда кальян шегетін бұзушыларға қатысты ҚР ӘҚБтК 441-бабы бойынша 115 әкімшілік хаттама жасалды.
Сарайшық ауданында 2025 жылдың басынан бастап ҚР ӘҚБтК-нің 196-бабы бойынша шегілмейтін темекі өнімдерін заңсыз сатқаны үшін 196 600 теңге көлемінде айыппұл салынды. 58 дана шегілмейтін темекі өнімдері анықталды: 26 дана снюс және 32 дана насыбай. Рейд барысында 6 сауда нысаны тексерілді, сату фактілері анықталып, дүкен иелері айыппұл түрінде әкімшілік жауапкершілікке тартылды.
Байқоңыр ауданының аумағында шегілмейтін темекі өнімдерін – насыбай мен снюсті сату жағдайларын анықтау бойынша 16 рейдтік іс-шара өткізілді. 28 дүкен анықталды, 20 кг-дан астам шегілмейтін темекі өнімдері тәркіленді, барлық құқық бұзушы әкімшілік жауапкершілікке тартылды. Сондай-ақ, Байқоңыр ауданында ҚР Әкімшілік құқық бұзушылық туралы Кодексінің 441-бабына сәйкес қоғамдық тамақтану орындарында темекі өнімдерін, оның ішінде қыздырылатын темекі, кальян өнімдерін тұтыну фактілерінің алдын алу және жолын кесу бойынша рейдтік іс-шаралар белсенді түрде жалғасып жатыр. Жыл басынан бері барлығы 49 жағдай анықталды, 136 адамға 4 124 280 теңге айыппұл салынды.
Сондай-ақ, рейдтер барысында шегілмейтін темекі өнімдерін сатуға жол бермеу туралы шағын және орта бизнес иелері профилактикалық түсіндіру жүргізілді.
Естеріңізге сала кетейік, шегілмейтін темекі өнімдерін заңсыз сататын сауда орындарына және вейп сатушыларға әкімшілік хаттама мен 25 айлық есептік көрсеткіш немесе 92 300 теңге көлемінде айыппұл салынады.
Бұзушылықтар анықталған кезде кальян шегетін адамдарға 15 АЕК мөлшерінде айыппұл салынады. Қайта бұзылған жағдайда – 20 АЕК. Ал мекеме иелеріне 20-дан 60 АЕК-ке дейін айыппұл салынады.
Рейдтер елорданың барлық алты ауданында жүріп жатыр.1912:53
