Астанада күрес түрлерiнен Лондон олимпиадасына лицензиялық Азиялық iрiктеу турнирi мәреге жеттi. Бұл жарыста Қазақстанның үш балуаны чемпион атанып, бес жолдама қоржынға түстi.
Грек-рим күресiнде Дархан Баяхметов пен Даниал Гаджиев турнир жеңiмпазы атанып, Лондон ойындарына лицензия ұтып алды. Әйелдер күресiнде Бейжiн ойындарының қола жүлдегерi Елена Шалыгина топ жарып, екiншi олимпиадасына қатысатын болды. Еркiн күресте Ақжүрек Таңатаров пен Марид Муталимов күмiс жүлдегер атанды. Соған қарамастан екеуi де Лондон ойындарына жолдама алды.
