Астана қаласының әкімдігі елордадағы азық-түлік түрлерінің бағасына күнделікті мониторинг жүргізеді. Осылайша, қала билігі бағаның негізсіз өсуіне тосқауыл қоймақшы.
Үкімет қаулысымен елімізде 18 тағамның түрі әлеуметтік маңызы бар деп танылған. Олардың қатарына ет, жұмыртқа, дәнді-дақылдар, көкөніс, қант, күнбағыс майы, қара шәй, тұз және сүт өнімдері жатады.
Әлеуметтік маңызы бар азық-түліктің сан алуан түріне байланысты, қала әкімдігі 33 тағам түріне бақылау жүргізеді. Бағалар Астана қаласының ірі және халық көп баратын сауда орындарынан алынады.
Әрине, қаладағы барлық дүкендерге, мыңдаған сөрелерге бақылау жасауға әкімдіктің мүмкіндігі жоқ. Сондықтан Астана қаласы Ауыл шаруашылығы басқармасының басшысы Әсет Құрманғалиев қала тұрғындарынан бағаның негізсіз өсуіне жол берген деректерді байқаған жағдайда 109 нөміріне хабарласуды сұрайды.
Әсет Құрманғалиевтің айтуынша, бүгінде азық-түлік бағаларының негізсіз өсуіне жол бермеу үшін «Сапа нан» ЖШС, «Астық логистик» ЖШС және ірі қант жеткізуші «Мир круп» кәсіпорындарымен меморандум жасалған.
Естеріңізде болса, дәл осы мәселеге байланысты жұмысты жедел ұйымдастырумен шұғылданатын штаб құрылып, оған жеткешілік жасау қала әкімінің орынбасары Андрей Лукинге жүктелгенін мәлімдеген болатынбыз.
Жұмыс тобының құрамына қаржы, ауылшаруашылығы басқармасы, экономика және бюджетті жоспарлау басқарамасының өкілдері және үш аудан әкімдігі кіреді.
Өткен аптада аталмыш штабтың төрағасы А. Лукин қаладағы бағаның өсу себептерін түсіндірген болатын. Оның айтуынша, нанның қымбаттауына шикізат бағасының өсуі себеп болып отыр.
Көтерме ұнның бағасының өсуіне өткен жылғы дақылдарға бөлінетін субсидияның тоқтатылуы әсер еткен. Күнбағыс майының қымбаттауына да шикізат бағасы кері әсерін тигізген. Тауық жұмыртқасы мен құс еттері жем мен дәрілік айналымдардың бағасына байланысты қымбаттаған.
Бағаның өсуі туралы барлық деректердің себебін анықтауды тексеру үшін Ауылшаруашылығы басқармасы Ұлттық экономика министрлігінің табиғи монополияларды реттеу және бәсекелестікті қорғау комитетінің қалалық департаментіне хат жолдайды. Өз кезегінде монополистерге қарсы қолданыстағы заң шеңберінде тексеру жүргізіліп, оның қорытындысын бірден жариялауға уәде берілді.
Астана қаласы Ауылшаруашылығы басқармасының қаладағы азық-түлік бағасына жүргізген күнделікті мониторингі
| № | Әлеуметтік маңызы бар тауар түрлері | 01.01.2016 ж.*
күнгі баға |
25.07.2016 ж.
күнгі баға |
Динамикадағы %-дық өзгерістер 25.07 ден 01.01.2016 ж. |
| 1 | Күріш өңделген түрі, кг | 240 | 305 | 27,1 |
| 2 | Бірінші сорттағы бидай ұны, кг | 123 | 144 | 17,1 |
| 3 | Ұнтақ жармасы, кг | 145 | 200 | 37,9 |
| 4 | Қарақұмық жармасы, кг | 290 | 360 | 24,1 |
| 5 | Сұлы жармасы, кг | 150 | 218 | 45,3 |
| 6 | Арпа жармасы, кг | 140 | 140 | 0,0 |
| 7 | Тары, кг | 250 | 250 | 0,0 |
| 8 | Бидай наны, бірінші сорт, кг | 109 | 133 | 22,0 |
| 9 | Вермишель, кг | 174 | 200 | 14,9 |
| 10 | Кеспе, кг | 174 | 190 | 9,2 |
| 11 | Рожки, кг | 175 | 205 | 17,1 |
| 12 | Сиыр еті (жауырын-төс бөлігі), кг | 1200 | 1348 | 12,3 |
| 13 | Қой еті, кг | 1190 | 1400 | 17,6 |
| 14 | Тауық еті, кг | 600 | 670 | 11,7 |
| 15 | Құс еті, кг | 540 | 620 | 14,8 |
| 16 | Пастерленген сүт, майлылығы 2,5%, литр | 191 | 195 | 2,1 |
| 17 | Пастерленген сүт, майлылығы 3,2%, литр | 210 | 210 | 0,0 |
| 18 | Айран, майлылығы 2,5%, литр | 205 | 225 | 9,8 |
| 19 | Айран, майлылығы 3,2%, литр | 215 | 250 | 16,3 |
| 20 | Сүзбе, майлылығы 5-9%, кг | 1360 | 1400 | 2,9 |
| 21 | Ірімшік, қатты кг | 1550 | 1650 | 6,5 |
| 22 | Тауық жұмыртқасы I-II категория, ондық | 240 | 280 | 16,7 |
| 23 | Сары май, тұздалмаған, майлылығы 72,5% кем емес және өсімдік майы, кг | 1331 | 1340 | 0,7 |
| 24 | Сары май, майлылығы 49%, кг | 680 | 686 | 0,9 |
| 25 | Өсімдік-күнбағыс майы, литр | 380 | 450 | 18,4 |
| 26 | Қырыққабат, кг | 80 | 80 | 0,0 |
| 27 | Пияз, кг | 68 | 99 | 45,6 |
| 28 | Қызылша, кг | 90 | 125 | 38,9 |
| 29 | Сәбіз, кг | 70 | 120 | 71,4 |
| 30 | Картоп, кг | 68 | 120 | 76,5 |
| 31 | Қант-құмшекер, кг | 220 | 298 | 35,5 |
| 32 | Ас тұзы («Экстра»-дан басқасы), кг | 48 | 51 | 6,3 |
| 33 | Түйіршектелген қара шайы, кг | 1610 | 2242 | 39,3 |
