Мәдениет
Ата заң – балалар көзімен
![](https://www.astana-akshamy.kz/wp-content/uploads/2024/08/sw-780x470.jpg)
Кеше Еркеғали Рахмадиев атындағы Мемлекеттік академиялық филармония ғимаратында Ата Заң күніне арналған «Конституция – балалар көзімен» атты суретшілер көрмесі ашылды.
Аталмыш көрмені Астана қаласы әкімдігінің Мемлекеттік шығармашылық тапсырысты іске асыру дирекциясы ұйымдастырды. Оның мақсаты – балалардың Отанға деген сүйіспеншілігі мен патриоттық сезімін оятып, ұлтжандылыққа тәрбиелеу.
Көрмеде әртүрлі жастағы оқушылардың акварель, гризайл, гуашь, акрил, май, қарындаш графикасы, пастель және аралас медиа сияқты әртүрлі техникада орындалған шығармашылық жұмыстары ұсынылды. Оған көркемсурет мектептері мен үйірмелерге қатысушы балалардың жалпы саны 200-ге тарта жұмысы қойылды.