Қазақстанның жиырмадан астам қаласын аралауға белсене кіріскен «Менің елім» автошерушілер тобы кеше Астанада аялдап, баспасөз мәслихатын өткізді.
Автошерудің ұйымдастырушысы, Атыраудағы «Wheels Brothers VC» мотоклубының жетекшісі Олег Шмальдың айтуынша, жобаның мақсаты – көптеген қалаларды аралап, сол шаһарлардың ерекшелігін зерделеу, тарихи-мәдени ескерткіштерді көзбен көру екен. Автошерушілер былтыр 18 қаланы аралаған. Олардың қатарына биыл тағы бірнеше елдімекен қосылыпты.
Автошерушілердің жалпы уақыты – 18 күн, ал жүріп өтетін жолы 8500 шақырымды құрамақ. Атыраудан бастау алған автошеруге еліміздің өзге өңірлеріндегі автомото қозғалысының өкілдері де қосылып, қатарды толықтыруда.
