Ел тынысы

«Бәйтерек» жанында жасанды интеллект суреттерінің көрмесі өтті

«Бәйтерек» жанында жасанды интеллект көмегімен салынған суреттердің фотокөрмесі өтті, деп хабарлайды astana-akshamy.kz

Астанада 12 мамыр күні «Таза Қазақстан. Астана – тазалық пен тәртіпсіздіктің үлгісі» атты ауқымды экологиялық акциясы аясында ChatGPT көмегімен салынған суреттердің фотокөрмесі өтті.

Қаланың болашағы туралы көзқарасты бейнелейтін картиналар «Бәйтерек» монументінің айналасында орналасқан. Елордалық жас белсенділер картиналар жасанды интеллект – ChatGPT арқылы жасалғанын айтты. Олар жасанды интеллекттен астаналықтар тарапынан ұқыптылық болмаса, қаланың және оның танымал орындарының жағдайы не болатынын көрсетуді сұрады.

«Бұл қоршаған ортаға ұқыпты қарау қажеттілігі туралы маңызды ескерту. Өйткені, экоакция барлық қалалар мен ауылдардың тұрғындарына белсенділік танытуға мүмкіндік жасайды. Артқа қарап, қоқысты ғана емес, оны тазарту арқылы біз ертеңгі күнге қамқорлық жасайтынымызды байқаймыз. Ұқыптылық бізден басталады. Кез келген жерге қоқыс тастаудың салдары туралы айтып, балаларды тәрбиелеу керек. Табиғат аясында демалғаннан кейін өзіңізбен алып келген заттардан қалған қоқыстарды бірге алып кету керек. Табиғатымызды, сүйікті Қазақстанымызды қорғауымыз керек», – деп атап өтті акция қонағы, Қосшы қаласы мәслихатының депутаты Ирина Осипова.

Ирина Осипова белсенділермен бірге жиналғандарға қоқысты дұрыс емес және белгісіз жерлерге тастағанда не болатынын айтты. Ол қала тұрғындары үшін қоршаған ортаны тазарту үнемі алаңдаушылық туғызатынын атап өтті.

Естеріңізге сала кетейік, ауқымды экоакция аясында қаланы санитарлық тазарту, нөсер және арық канализациясы, көшелерді, тротуарларды, кварталішілік аумақтарды, қоғамдық кеңістіктер мен аулаларды тазалау жұмыстары жүргізілуде.

Сондай-ақ, жасыл желектерді күтіп-ұстау және отырғызу, сауда объектілеріне іргелес аумақтарды жинау, көгалдар мен гүлзарлар орнату, рұқсат етілмеген полигондарды жою және т. б. жұмыстар жүргізілуде.

Тағыда

admin

«Астана ақшамы» газеті

Ұқсас жаңалықтар

Back to top button