БАҒДАРЛАМА БАРЫСЫ БАЙЫПТАЛДЫ
Қазақстан Республикасының Экономикалық даму және сауда министрлігі мен «Самұрық-Қазына» ұлттық әл-ауқат қоры» акционерлік қоғамы өкілдерінің қатысуымен қалалық активтің кеңесі өтті.
Кеңесте «Халықтық IPO» бағдарламасына қатысудың талаптары мен тәртібі түсіндірілді.
Қазақстандықтардың ірі ұлттық компаниялар акцияларын сатып алуына, сондай-ақ олардың пайдасының бір бөлігін алып қана қоймай, олардың дамуына қатысуға да мүмкіндік беретін бірегей бағдарламаға қала тұрғындары қызығушылық көрсетуде. Жиында халықтың қаржылық сауатын көтеру арқылы тиімді жобаларға қатысу белсенділігін арттыру қажеттігі айтылды.
Кеңес барысында «Самұрық-Қазына» ұлттық әл-ауқат қоры» акционерлік қоғамы Ақпараттық-талдау департаментінің аға талдаушысы Ерлан Қылбаев көпшіліктің сұрақтарына жауап беріп, жаңа бағдарламаның жұмыс істеу тетіктері мен талаптары жайында толық ақпарат берді.
Айгүл УАЙСОВА