#Жаңа Қазақстан

Бағдарымызды белгіледі

– Мемлекет басшысы Қасым-­Жомарт Тоқаев «Egemen Qazaqstan» газетіне сұхбат беріп, онда ішкі және сыртқы саясат, елдің әлеуметтік-экономикалық дамуы, 2022 жылғы қаңтар оқиғасы, отбасылық-тұрмыстық зорлық-зомбылық, АЭС құрылысы және басқа да өзекті мәселелер қозғалды.  Президенттің бұл жаңа жылдық сұхбатынан мен ғана емес, рес­публикамыздың дамуына мүдделі азаматтардың көпшілігі де толғандырған сұрақтарына жауап тапты деп ойлаймын.

Ең алдымен, елдің өткені мен бүгіні әділ бағаланып жақсы талданғанын атап өткім келеді. Мемлекет басшысы дамушы мемлекет ретінде біз ортағасырлық дәстүрлердің, естеліктердің, менталитеттің, өзара және қоршаған әлемге деген қарым-қатынастардың архаикасына енбей, алға жылжуымыз керек деген нақты «месседж» берді.

Менің ойымша, Президент бүкіл Қазақстан үшін қайғылы Қаңтар оқиғасының толық бейнесін берді. Ұзақ тергеу мен сот үкімдерінен кейін көп нәрсе анықталды. Қазақстандықтар ғана емес, Қазақстанның шетелдік серіктестеріне де қажет болған нүкте қойылды.

Сонымен қатар, Қасым-­Жомарт Кемелұлы таяу жылға ғана емес, Қазақстанның сырт­қы және ішкі саясаттағы, экономикадағы, қоғамдық өмірдегі стратегиялық басымдықтарын да айқындады. Біздің алдымызда адами капиталды, инфрақұрылымды, өнеркәсіпті, агросекторды дамытуға байланысты міндеттер тұр.

Біз бұл ретте кедергі болатын қорқыныш пен үрейден арылуымыз керек. Біріншіден, бұл экономикалық, әскери, мәдени және гуманитарлық ынтымақтастық саласындағы жақын көршілерімізбен тығыз қарым-қатынастан қорқу. Президент қоғам өмірін одан әрі демократияландыру, мемлекетті жоспарлау, бақылау және басқару процестеріне белсенді, бейжай қарамайтын азаматтарды тарту жөніндегі жоспарларды іске асыруда өзінің шешімін тағы да растады. Қарапайым сөзбен айтқанда, Мемлекет басшысы осы уақыт аралығында қордаланған сұрақтар мен ойларға нақты жауап берді.

Назгүл МАҚЖАН,

Астана қаласының Әйелдер істері және отбасылық демографиялық комиссиясы төрағасының орынбасары

Тағыда

admin

«Астана ақшамы» газеті

Ұқсас жаңалықтар

Back to top button