Бiрлiгi жарасқан елдiң алға қойған мақсаты айқын болуы заңды. Елбасы Н.Назарбаевтың «Әлеуметтiк- экономикалық жаңғырту – Қазақстан дамуының басты бағыты» деп аталатын Қазақстан халқына Жолдауы алдағы жылда елiмiздiң қарыштап дамуының кепiлi болмақ. Жолдаудың басты ерекшелiгi – дүниенi дүрбелеңге салған дағдарыстан демiкпей шығып, дамудың даңғыл жолына бет бұруға жол сiлтеуi. Кешегi сайын даланың қат-қат қабатының қолқасына қолын тыққан дүрмектi кезең дүбiрлiлерiнiң зиялы қауымы да Жолдауға зор бағасын бердi.
Сондай-ақ, Жолдауда ауыл шаруашылық, инфрақұрылым, индустриялық-инновациялық даму, елдi-мекендердi жөндеу және қолжетiмдi бағамен тұрғын үйлердi иелену мәселелерiне ерекше назар аударылды. Әкiмдерге жергiлiктi жерлердегi жұмыссыз адамдарды жұмыс орнымен қамтамасыз ету тапсырмасы жүктелдi. Ол үшiн жаңа мамандық иелерiне бюджеттен арнайы қаражат бөлiнетiн болды. Оларды арнайы оқыту iсiне көңiл бөлу мәселесi баса айтылды. Бұл жұмыссыздықпен күресуге ықпал ететiнi анық.
Ал, «қолжетiмдi баспана» мәселесi отбасыларды тұрғын үймен қамтамасыз етiп қана қоймай, отандық құрылыс саласы үшiн жаңа мүмкiндiктер бередi және де қаншама жұмыс орнын ашып, бизнеске көптеген мүмкiншiлiк бередi.
Жолдаудағы келелi мәселенiң бiрi – бiлiм беру жүйесiне қатысты реформа. Бiлiм беру, бiлiктi кадр даярлау мәселесi, бәсекелестiкке қабiлеттi, халықаралық деңгейдегi бiлiктiлiгi жоғары мамандарды даярлау, адам капиталын қалыптастыру зор мәнге ие. Талай құрсаулы шеңгелден сытылып келе жатқан елiмiздiң келешегi, ең алдымен, бiлiм мен ғылымға байланысты болмақ. Сондықтан, ата-бабаларымыз «бiлекке сенген заманда ешкiмге есе бермесе», мына бiз «бiлiмге сенген заманда қапы қалып жүрмелiк».
Қиын кезеңдердiң сулығын серпiп тастап, болашаққа нық сенiммен қадам басқан елiмiздiң тәуелсiздiктiң үшiншi онжылдығында алар асулары, бағындырар белестерiнiң артуы тiкелей жастарға қатысты мәселе деп бiлемiн. Алдыңғы буын ағалар жасаған даңғыл жолды жалғастыру мына бiзге, кейiнгi буынға аманат. Ел аманат, жер аманат, дiн мен тiл, тәуелсiздiк аманат. Ал, аманатқа қиянат – қасiрет.
Игiлiк бастауы әрқашан бiрлiк болмақ. Сондықтан, жыл сайын мақсаттарды айқындайтын Жолдаудағы жоспарларды орындауда бiрлiк пен береке танытайық. Осы күнге дейiн «тiрi болу үшiн бiр болсақ», ендiгi кезекте «iрi болу үшiн бiр болайық».
Сымбат МОЛДАТАЙ,
Л.Гумилев атындағы
Еуразия ұлттық университетiнiң студентi