12 тамыз күні сағат 19.00-де «Астана Опера» театрының Камералық залында Франция, Швейцария және Ресейдің белгілі музыканттары, атап айтсақ, скрипкашы Рашель Кисаканин, виолончелші Эльдар Сапараев және альтшы Павел Романенко өнер көрсетеді.
Олар кемеңгер композитор Иоганн Себастьян Бах шығармашылығына арналған концерттік бағдарлама ұсынбақ. Кеш барысында қонақтар барокко дәуірінің даңқты өкілі жазған №6 сюитаны, Дмитрий Ситковетсийдің өңдеуіндегі Гольдберг вариацияларын тыңдайды. Концертті Қазақстан Республикасының Мәдениет қайраткері Маржан Жәкенова жүргізеді.
Ботагөз МАРАТҚЫЗЫ
