Байыпты басқосулар
Қазақстан Президенті Нұрсұлтан Назарбаев осы аптада бірқатар кездесулер өткізді.
Атап айтсақ, 12 қыркүйек күні Шанхай ынтымақтастық ұйымына мүше мемлекеттер басшылары кеңесінің отырысына қатысу аясында Иран Ислам Республикасының президенті Хасан Руханимен кездесті. Тараптар сауда-экономика, көлік-коммуникация және инвестиция салаларындағы екі жақты ынтымақтастықты жандандырудың келешегі туралы сөйлесті.
Ал, Тәжікстан Республикасының президенті Эмомали Рахмонмен кездесу барысында екі елдің өңірлік және халықаралық ұйымдар аясындағы өзара іс-қимылы мәселелері талқыланып, өңірлік қауіпсіздік ахуалы жөнінде пікір алмасты.
Мемлекет басшысы Қырғыз Республикасының президенті Алмазбек Атамбаевпен де кездесті. Мемлекеттер басшылары сауда-экономика, инвестиция, су-энергетика және мәдени-гуманитарлық салалардағы ынтымақтастықтың өзекті мәселелерін талқылады.
Гүлмира АЙМАҒАНБЕТ