Amanat партиясының Астана қалалық әйелдер қанаты отбасы құндылығын нығайту мақсатында «Балаңа уақыт арна» шарасын өткізді.
– Аталмыш іс-шараға 100-ден астам астаналық отбасы қатысты. Ең қуаныштысы – бұл жолы тек аналардың
ғана емес, әкелердің де белсенділігі ерекше болды. Отбасы – қоғамның тірегі. Балалармен уақыт өткізу, ортақ қызығушылықты табу және бірге жарқын естеліктер қалыптастыру маңызды. Осындай іс-шаралар бізге, күнделікті қарбалас өмірге қарамастан, ең жақын жандарға көңіл бөлу керек екенін еске салады, – деді С.Дженалаева.
Мамандардың пікірінше, баламен бірге көп уақыт өткізу – оның психологиялық дамуы мен өзіне деген сенімін арттырудың басты кепілі. Сондықтан мұндай іс-шаралар – тек бір күндік акция ғана емес, отбасы мәдениетін қалыптастыруға бағытталған маңызды қадам. Отбасы құндылығын нығайту бағытындағы бұл жұмыс алдағы уақытта да жалғасады.
Ақнұр ИЛЬЯС,
Астана қаласы №96 мектеп-гимназияның
11-сынып оқушысы
