Басты ақпарат

Балалар – ел болашағы

Мемлекет басшысы Қасым-Жомарт Тоқаев «Алматы БалаFest» фестивалінің жеңімпаздарын құттықтады. Алматыға жұмыс сапарымен барған Президент балалар шығармашылық фестивалінің қорытынды іс-шарасына қатысты.

[smartslider3 slider=3114]

Балаларды қорғау күніне орай ұйымдастырылған бұл мерекелік шараның қорытынды кезеңіне мың бала қатысты. Ботаникалық бақта өткен қорытынды іс-шара «ART SPACE» аймағы, «Кітаптар қазынасы» кітап көрмесі, «ECO LAB» экологиялық аймағы, «Шахмат әлемі» аймағы, «ROBO LAND» аймағы және «Жас өрендер» концерт алаңы сияқты алаңқайға бөлінген. Президент әрбір алаңқайдағы жеңімпаздардың өнерін тамашалап, олардың жетістігіне ризашылылығын білдірді. Мемлекет басшысы жасөспірімдермен әңгімелесу барысында оларды мерекемен құттықтап, балалар ел болашағы екенін айтты. Солардың бірі 11-сынып оқушысы Михаил Шут «Кітаптар қазынасы» көрмесінде «Алпамыс батыр» жырын жатқа оқып берді. Іс-шара соңында бір ай бойы әртүрлі жастағы жасөспірімдер, оның ішінде мүмкіндігі шектеулі балалар да қатысқан «Алматы БалаFest» фестивалінің жеңімпаздары марапатталды. Жалпы әдебиет, бейнелеу өнері, спорт, декоравтивті-қолданбалы өнер, эко-байқау, вокал мен хореография және IT салалары бойынша өткен фестивальде 300 мыңнан астам бала бақ сынаған.

Тағыда

Ұқсас жаңалықтар

Пікір үстеу

Back to top button