Жаңалықтар
БАҚ-ТА АЛҒА БАСУ БАР
Медиа орталықта Бас редакторлар клубы Қазақстандағы АҚШ елшілігінің ықпалымен және «Қазмедиа орталығы» басқарушы компания» ЖШС бас директоры, клуб мүшесі Қ.Сахарияновтың көмегімен «Қазіргі медиа – дәстүрлі БАҚ» тақырыбында журналистерге арналған оқу-әдістемелік семинар өткізді. Шараға 20–дан аса БАҚ өкілдері, блогерлер және өзге де әлеуметтік тораптармен айналысушылар қатысты.
Жиынды ашқан клуб президенті Кенжеболат Жолдыбай басқосу қоғамдық бірлестік пен елшіліктің арасында қалыптасқан дәстүрлі шығармашылық ынтымақтастық шеңберінде атқарылып отырғанын атап өтті. Оқу-әдістемелік семинардың мақсаттарына тоқталған ол бүгінгі журналистиканың даму қарқынын тілге тиек етті. Алайда, кәсіби біліктіліктің күрт төмендеуін де сөз етті.