«Астана құрдастары» байқауы биыл 11-ншi рет елорда құрдастарының басын қосты. Оған iрiктеу сынынан сүрiнбей өткен 16 оқушы қатысып, бақтарын сынады.
Байқаудың бiрiншi кезеңiнде қатысушылар «Бiз астаналықпыз» тақырыбында әдеби композиция дайындап, өздерiнiң актерлiк шеберлiктерiн көрсетсе, «Спорт және мен – айнымас достармыз» атты екiншi кезеңде спорттық жаттығулар жасады. «Таланттар мозаикасы» бәсекесiнде жас дарындар өздерiн шығармашылық қырынан танытты. Нәтижесiнде №56 мектептiң оқушылары Расул Рахым – «Астана сұлтаны», Жiбек Рахимова – «Астана аруы» атанды. Өзге үмiткерлер арнайы сыйлықтармен марапатталды.
Асхат РАЙҚҰЛ
