Тәуелсіздікке 30 жыл

Баянды бақыт

Бір күні немерелеріммен бас қостым. Бәріне ортақ бір сұрақ қойдым. «Тәуелсіздік деген не?» дедім. Сонда бірі «бақыт» деді. Бірі «ата-анамның қасында болу» деді. Бірі «бәріміздің ынтымақты өмір сүруіміз» деді. Енді бірі «бәріміздің қазақша сөйлеуіміз» деді.

[smartslider3 slider=1438]

Шындап келсек, мұның тереңінде үлкен ой жатыр. Шынында, тәуелсіздік – ол бақыт. Тәуелсіздік – ерекше қасиетті ұғым. Сондықтан осындай қасиетті ұғымды кішкентай бүлдіршіндер тілімен айтқан кезде осылай болып шықты. Тереңіне үңілсек, шын мәнінде, еліміздің өз тәуелсіздігін, егемендігін алып өмір сүруі – бақыт.

Әлемде алты мыңдай ұлт пен ұлыс бар екен. Бірақ соның ішінде екі жүздей ұлтта ғана тәуелсіздік бар. Қазақ сол бақытқа ие болып отыр.

Қазақстан Республикасының Президенті Қасым-Жомарт Тоқаевтың «Тәуелсіздік бәрінен қымбат» деп айтуы бекер емес. Шынында, бұл тұрғыда Елбасымыздың еңбегі ерекше. Тәуелсіздік – үлкен байлық. Осының қадір-қасиетін түсініп, осы байлықты ұстап тұру, мәңгілік ел болу жолында тәуелсіздіктің туын көтеріп, оны нығайту жолында еңбек ету – әрбір қазақстандықтың парызы.

Құрметті қазақстандықтар! Құрметті елорда тұрғындары! Өздеріңізді осынау қасиетті де киелі ұғым – Тәуелсіздігіміздің 30 жылдық мерекесімен шын жүректен құттықтаймын! Осы мерейлі мерекеде бір-бірімізге деген ынтымағымыз бен бірлігіміз арта берсін! Елордамыз дами берсін! Тәуелсіздігіміз жасай берсін!

Әкім ЫСҚАҚ,

қоғам қайраткері, тұңғыш қазақ тілінде жазылған заң авторы

Тағыда

Ұқсас жаңалықтар

Пікір үстеу

Э-пошта мекенжайыңыз жарияланбайды.

Back to top button