Қазақстан халқының бірлігі күні қарсаңында Нұр-Сұлтан қаласындағы Қазақстан халқы ассамблеясы би этнофестивалін өткізді. Оған 10-ға жуық ұжым қатысты.
Іс-шара Қазақ ұлттық өнер университетінің «Шабыт» ғимаратында өтті. Оған өзбек, қырғыз, неміс, армян, корей, украин, поляк, шешен-ингуш және қарақалпақ этномәдени бірлестіктерінің өкілдері қатысты. Шығармашылық ұжымдар көрермендерге заманауи бидің түрлі бағытын ұсынды.
Іс-шараны ұйымдастырушылардың айтуынша, этнофестивальдің негізгі мақсаты – қатысушылардың кәсіби шеберлігін арттыру, жас таланттарды анықтау, балалардың би шығармашылығын қолдау және дамыту, сондай-ақ еліміздегі жалпыұлттық бірлік пен келісімді қолдау. Фестиваль қатысушылары алғыс хатпен және естелік сыйлықпен марапатталды.
Баян Асылбекова
