Әл-Фараби атындағы Оқушылар сарайында Балалар жылының аясында Халықаралық балалар күні қарсаңында Нұр-Сұлтан қаласы Қазақстан халқы ассамблеясының ұйымдастыруымен «Алтын күн» V балалар патриоттық әндер фестивалінің финалы өтті.
Шараның негізгі мақсаты – патриоттық тәрбиені және тұлғаның рухани-адамгершілік қасиетін дамыту, дарынды балаларды анықтау және қолдау, олардың шығармашылық мүмкіндігін іске асыру, патриоттық ән жанрын насихаттау.
Фестивальге Нұр-Сұлтан қаласының этномәдени бірлестіктері көркемдік ұжымдарының мүшелері, жалпы білім беретін мектептердің, ансамбльдердің оқушылары, 6 жастан 16 жасқа дейінгі барлық тілек білдірушілер қатысты.
Фестиваль талабына сәйкес, қатысушы талапкерлер жас санаты бойынша алдын ала іріктелді.
Патриоттық әндер фестивалі екі турдан, жас санаты бойынша 6 жастан 10 жасқа дейін, 11 жастан 13 жасқа дейін, 14 жастан 16 жасқа дейінгі аралықта өтті.
Фестивальде «Бақытты бала – бақытты ел» – Отан, Қазақстан, елорда, туған өлке туралы әндер, «Әлем балалардың көзімен» – ана, балалық шақ, достық және т. б. тақырып бойынша әндері орындалды.
Қазылар алқасының шешімімен жеңімпаздар мен жүлдегерлер төмендегідей болды.
6-10 жас:
1-орын – Ақнұр Жұматай, VokalArt студиялық мектебі;
2-орын – Аружан Кемелбай, №66 мектеп-лицейі балалар композиторы Алтын Маханбетованың «Балапан саз» авторлық ән класы;
3-орын – Регина Ли, «Нұр-Сұлтан қаласындағы корейлердің этномәдени бірлестігі» ҚБ.
11-13 жас:
1-орын – Аружан Кұсаинова, №2 балалар музыка мектебі;
2-орын – Адия Ысқақ, «Нұр-Сұлтан қаласындағы қырғыз этномәдени бірлестігі» ҚБ;
3-орын – Аделина Мусина, «Оберег» украин қоғамы» ҚБ.
14-16 жас:
1-орын – Бақнұр Мейрамбекқызы, Ә.Бөкейхан атындағы №76 мектеп-гимназиясы;
2-орын – Асылжан Кыдырниязов, «Жайхун» қарақалпақ этномәдени бірлестігі» ҚБ;
3-орын – Анастасия Овчинникова, «Оберег» украин қоғамы» ҚБ.
Фестиваль жеңімпаздары «Үздік орындаушы» аталымы бойынша үш жас санаты бойынша жүлдемен марапатталды. Оларға және барлық қатысушыларға бағалы сыйлықтар мен дипломдар табыс етілді.
