БОРДО ТЕАТРЫНЫҢ БАЛЕТІ
Астаналық көрермен С.Прокофьевтің «Ромео мен Джульетта» балеттік спектаклін жаңа орындауда тамашалайды. «Жібек Жолы» халықаралық фестивалінің аясында, 19 қыркүйекте, тек бір-ақ күн, үлкен сахнада Бордо ұлттық операсының (Франция) этуалі Роман Михалев қиялшыл Ромеоның бейнесін ашады
Хореограф-балетмейстер Шарль Жюдтің қойылымында жарқырайтын балеттің тағы бір жетекші солисті – қазақстандық жұлдыз Мәдина Баспаева Джульеттаның рөлін орындайды. Айта кетейік, Шарль Жюдтің шақыруымен Мадина бұл партияны Францияда орындап, жоғары талғамды көрерменнің қошеметіне ие болған. Әлемдік балет өнерінің классикасына айналған махаббат оқиғасы бірінші маусымдағы осы сәтті қойылымынан кейін театр репертуарына тұрақты енгізілді. Бордо театры балеттік труппасының жетекшісі Ш.Жюд С.Прокофьевтің музыкасына жазылған балеттік спектакльді Рудольф Нуриевтің күрделі нұсқасына негіздеп өңдеген. Ал, негізінен «Ромео мен Джульеттаның» сахнадағы шежіресі 1938 жылы Брно (Чехия) қаласындағы тұсаукесерінен бастау алады.
Елорда тұрғындары мен қонақтары, италиялық шеберлер Эцио Фриджерио мен Франко Скуарчапино әзірлеген әсем декорациялар мен әдемі костюмдердің арқасында ерлік істерге толы орта ғасыр дәуірін қиялдарымен шола алады. Қойылым дирижері – ҚР Еңбек сіңірген қайраткері Айдар Әбжаханов.
Асығыңыз! Халықаралық фестивальға арнайы бағамен қойылған билеттер сатылымға түсті. Оларды онлайнда www.BiletiAstana.kz, www.biletbar.kz cайттарынан және «Астана Опера» театрының және «Қазақстан» ОКЗ кассаларынан сатып алуға болады.