Электр қуатына ақыны уақтылы төлемеген тұтынушыларды желіден ажырату жөнінде бір ай бұрын ескертіледі.
«Астанаэнергосервис» компаниясы баспасөз қызметінің мәліметіне сенсек, ондай талап тұтынушы мен қызмет көрсетуші арасындағы типтік келісімшартқа биыл қуатпен қамтамасыз ететін мекеме мен электр энергиясын тұтынушы арасындағы қарым-қатынасты реттейтін бірнеше нормативтік акті қабылданғаннан кейін еніп отыр. Сондай-ақ, онда қызмет ақысын төлеу мерзімін сақтамаған жағдайда төленетін айыппұлдың да кесімді мөлшері белгіленді.
