Елорда тынысы
«Бозоқ» музей-қорығы фестивальге шақырады
![](https://www.astana-akshamy.kz/wp-content/uploads/2024/07/da00d57a-10b2-4f13-b700-1d66831deb54-780x439.jpg)
«Бозоқ» мемлекеттік тарихи-мәдени музей-қорығында 31 шілде күні сағат 11:00-де республикалық этнографиялық фестиваль өтеді, деп хабарлайды astana-akshamy.kz.
«Бозоқ аруының көрікті шашбауы» іс-шарасы ұлттық мәдениеттің ажырамас бөлігі саналатын және тағылымы терең қазақ әшекей бұйымдарына арналған.
Қонақтарға ежелгі салт-дәстүрлердің бірі «Шолпы тағу» көрсетіледі. Сондай-ақ, фестиваль аясында белгілі ғылым, мәдениет және қоғам қайраткерлері ұлттық салт-дәстүрлерді насихаттауға бағытталған рәсімдерді өткізеді.
«Бозоқ» – Орталық Қазақстандағы алғашқы ауқымды зерттелген ортағасырлық отырықшы ескерткіш. Музей-қорықтың ежелгі қалашығы – бүгінгі Астананың мыңжыл бұрынғы орны. Қазіргі таңда музей қорында 1242 экспонат бар.